Presidenti i FSHF telegram ngushëllimi familjes së Brian Filipit

Presidenti i Federatës Shqiptare të Futbollit, Armando Duka i ka dërguar një telegram ngushëllimi familjes së futbollistit Brian Filipi për vdekjen e tij si pasojë e një aksidenti. Në mesazhin e presidentit të FSHF-së thuhet "E nderuar familja Filipi! Të nderuar miq, trajnerë dhe kolegë të Brian Filipit! Thellësisht i tronditur, kam mësuar sot për humbjen e birit, shokut dhe futbollistit të skuadrës kombëtare U-21, në një aksident tragjik në Itali. Brian Filipi, ishte një lojtar me të ardhme, i evidentuar nga specialistët shqiptarë dhe të huaj. Pjesë e skuadrës kombëtare shpresa dhe i Ravenës në Itali, ai ishte në rrugën e duhur drejt afirmimit dhe suksesit",
Më tej, në telegram thuhet "Në këtë moment të vështirë për ju, për ne dhe komunitetin e futbollit, në emër të Federtës Shqiptare të Futbollit dhe në emrin tim personal, më lejoni të shpreh ngushëllimet më të sinqerta, në këtë ditë të dhimbshme për të gjithë".