Presidenti i Serbise kerkon largimin e barrikadave ne veriun e Kosoves
Presidenti i Serbise Boris Tadic beri thirrje sot qe forcat e KFOR-it ne Kosove ti japin fund operacioneve per largimin e barrikadave ne veriun e Kosoves ndersa u kerkoi perfaqesuesve serbe ne ate zone qe te ftojne qytetaret te largojne vete barrikadat. Ne nje takim me gazetare ne Beograd ai tha se operacionet e KFOR-it rrezikojne jeten e qytetareve prandaj ata duhet te tregohen te permbajtur dhe te fillojne bisedimet me perfaqesuesit politike te serbeve.
Perfaqesuesve politike te serbeve ne veriun e Kosoves qe kane legjitimitetin e tyre sepse jane votuar ne zgjedhje u beje thirrje te bejne gjithcka per te larguar barrikadat sepse ato rrezikojne jeten e qytetareve dhe nuk sigurojne mbrojtjen e asnje interesi kombetar. Perkundrazi na vene ne situate qe te humbim cdo mundesi per mbrojtjen e interesave themelore edhe ne veriun e Kosoves edhe ne arenen nderkombetare tha presidenti serb.
Komentet e tij pasuan shkallezimin e dhunes ne veriun e Kosoves nje dite me pare kur te pakten 23 pjesetare te KFOR-it u plagosen gjate perleshjeve me protestuesit serbe. Dhuna e djeshme u denua ne shkalle te gjere nga autoritetet vendase e nderkombetare. Situata sot ne veri vazhdon te jete e tensionuar. Protestuesit serbe kane ngritur nje barrikade te re ne afersi te asaj qe ishte larguar nje dite me pare nga forcat e KFOR-it te cilet kane paralajmeruar se do per perdorin te gjitha mjetet e pershtatshme per te mos lejuar sulmet ndaj tyre. Ata hodhen gaz lotsjelles ne oret e pasdites grupeve te serbeve qe ishin mbledhur ne barrikaden e re. Nuk ka pasur njoftime per te lenduar.
Presidenti serb tha sot se sa here qe ndodhe shkallezimi i dhunes interesi kombetar serb ne Kosove eshte me i rrezikuar sepse Serbia nuk ka mundesi qe interesat e saj ti mbroje me mjete shteterore. Sipas tij ne nje situate te tille perfitojne vetem ekstremistet.
Sa i perket statusit te kandidatit per anetaresim ne Bashkimin Evropian sot jemi me larg sesa qe ishim pardje pikerisht per shkak te asaj cfare ka ndodhur ne veriun e Kosoves tha presidenti serb.
Javen qe vjen pritet vendimi rreth propozimit qe Serbise ti jepet ky status por kusht eshte perparimi ne permiresimin e marredhenieve me Kosoven qe nenkupton shtendosjen e situates ne veriun e Kosoves ku po vazhdon bllokimi i rrugeve nga serbet lokal qe nuk pajtohen me shtrirjen e autoritetit te Prishtines ne ate zone.
Presidenti serb Boris Tadic tha se nuk guxojne te perseriten gabimet e viteve te 90ta kur perfaqesuesit e serbeve kishin refuzuar planet nderkombetare duke ju referuar planeve qe ishin ofruar gjate luftes ne Kroaci per zgjidhjen e ceshtjes se territoreve te banuara me shumice serbe qe u ofrohej nje shkalle e gjere e autonomise.
Neser ne Bruksel pritet te mbahet raundi i ri i bisedimeve ndermjet Kosoves dhe Serbise ku pritet te debatohet edhe per statusin e vendkalimeve kufitare ne veriun e Kosoves.