Presidenti, mazhoranca qendrim unik per kandidaturen Eva Gjura
Mazhoranca ka unifikuar qendrimin e saj per zgjedhjen e Presidentit te Ri. Partite aleate te PD-se jane ne unison persa i perket zgjedhjen se emrin si kandidat per postin e Kreut te Shtetit. Nje zeri kreret e partive aleate, por edhe deputetet e mazhorances, i kane kujtuar dje kryetarit te opozites Edi Rama se, tashme mazhoranca e ka kandidatin per president dhe se opozita duhet ta shqyrtoje seriozisht ate kandidature. Sipas deputeteve te PD-se, nese opozita ka kandidat te saj qe i afrohen potencialeve te propozimit te mazhorances atehere le ta hedhe emrin per diskutim. Kryetari i PR-se Mediu, deputeti i PD-se Paloka, deputeti Fatbardh Kadilli dhe deputeti Tritan Shehu kane deklaruar se mazhoranca ka bere gjithe leshimet e mundshme ndaj opozites duke dhene konsensusin e saj per zgjedhjen e nje presidenti te gjithe pranuar. Sipas deputeteve te PD-se, kjo force politike eshte terhequr nga qendrimi i saj per kandidature politike duke propozuar nje emer, i cili nuk vjen nga politika, sic eshte z. Zaganjori, por qe ploteson te gjitha kriteret per te qene ne postin e Kreut te Larte te Shtetit.
Kryetari i PR-se Mediu
Kryetari i PR-se Fatmir Mediu ka deklaruar dje se klasa politike duhet te jete serioze me procesin dhe me individin per zgjedhjen e presidenti te ri. Ai ka theksuar faktin se, PR do te jete pjese e nje vendimmarrje te perbashket te mazhorances per cdo ceshtje. Gjithashtu ai ka vleresuar si pozitiv takimin e bere mes kryetarit te mazhorances Berisha dhe kreut te opozites Rama, e cila sipas tij do ti sherbeje frymes se konsensusit. "Fakti qe dy perfaqesuesit e larte Rama dhe Berisha jane ulur dhe fryma ka qene pozitive, ka mundesi per te gjetur konsensus. Nese do te flasim per konsensus nuk do te jete thjeshte per hater te konsensusit, por rreth nje figure per te qene president konsensual. Une mendoj se propozimi i bere nga mazhoranca ka pasur ne thelb qellimin per te pasur nje autoritet te vendit, qe te jete qytetari i pare simbol i unitetit kombetare me te gjithe eksperiencen per te qene president i vendit", ka deklaruar Mediu. Kreu republikan ka shprehur gjithashtu bindjen e tij se, PS-ja do te vije ne nje vleresim rreth kandidatures dhe pse jo dhe te propozoje kandidatura te tjera nese ka.
Deputeti Paloka
Nenkryetari i grupit parlamentare te PD-se Edi Paloka, eshte shprehur se mazhoranca do ti qendroje kandidatures se Zaganjorit per postin e presidentit. Gjithashtu ai i ka kujtuar opozites se mazhoranca e ka bere terheqjen e saj dhe tashme eshte radha e opozites. "Ne i kemi pasur emrat tane kur kemi deklaruar qe kandidatura do te jete politike dhe pas kesaj per hir te konsenusit ne kemi gjetur si kandidat me te pershtatshem me te mire, z. Zaganjori. Z. Rama nuk ka pse na kerkon me emra te tjere neve perderisa ne jo vetem si mazhorance, por edhe per me gjere kemi paraqitur nje kandidature per te cilen deri me sot nuk eshte thene asnje fjale negative apo nuk ka pasur asnje kundershti as nga PS-ja", eshte shprehur deputeti Paloka. Ai ka theksuar me tej se Rama nuk eshte i interesuar per kandidature konsensuale pasi kandidatura ka te gjitha parametra per tu pranuar edhe nga PS-ja.