Prifti: Do te bej funksionale Bursen e Tiranes

Berja funksionale e Burses se Tiranes kthehet ne prioritet te Ministrise se Ekonomise. Ministri i ri i Ekonomise dhe Energjetikes, Dritan Prifti ne nje takim dje me perfaqesuesit e Dhomes Amerikane te Tregtise tha se, krijimi i Burses se Tiranes dhe kthimi i Agjencise se Investimeve te Huaja ne nje sherbim me nje sportel per investitoret e huaj, jane dy sfidat e para ne krye te dikasterit te ekonomise. Prifti tha se, bursa ne vendin funksionon formalisht, duke garantuar se, do ta ktheje ate ne funksionale. Ai tha se, kjo ide e tij eshte mirepritur edhe nga perfaqesuesit e Dhomes Amerikane te Tregtise. "Gjithashtu u informova qe dhe agjencia ALBINVEST qe deri sot ka qene nje agjenci per promovimin dhe nxitjen e investimeve te huaja, brenda dy vjeteve te para do te kthehet ne nje agjenci me nje sportel, "one stop shop" per investitoret e huaj", tha Prifti. "Eshte e pamundur qe te hapim 160 mije vende pune, apo rritje dyshifrore sic e parashikojme ne fund te ketij mandati, ne qofte se, nuk do te kemi mbeshtetjen e biznesit vendas dhe te huaj. Nese do te kete nje kerkese per takim, brenda 24 oreve ministri i Ekonomise do i ofroje takim biznesit, vijoi Prifti. Ministri i Ekonomise Prifti i ka dorezuar drejtuesve te Dhomes Amerikane edhe nje program te qeverise duke i kerkuar biznesit te monitoroje realizimin e tij.