Prifti: Situata nen kontroll, pritet shtim i reshjeve

Situata nga prurjet ne hidrocentrale eshte e veshtire, por per momentin gjithcka eshte nen kontroll. "Situata vazhdon te jete e veshtire, por ka pasur nje permiresim ne oret e mengjesit sepse kane rene prurjet. Ato pothuajse jane pergjysmuar", tha dje ministri i Ekonomise dhe Energjetikes, Dritan Prifti. Sipas tij, ne dy ditet e ardhshme priten reshje te dendura sipas parashikimeve, qe do te thote se, situata e veshtire nuk ka kaluar. Sipas Priftit, ne rrezik eshte nje zone ne Shkoder, ndersa mbetet ne kontroll situata ne pjeset e tjera te vendit. "Ne kemi marre te gjitha masat, kemi cuar forcat e nderhyrjes se shpejte te Shkodres dhe te Tiranes, qe jane dislokuar atje. Kemi marre masa nese do te kete nevoje te behen evakuime te detyruara te banoreve, vendet ku do strehohen ato dhe kushtet", tha ministri. Nderkaq ne Vaun e Dejes vazhdojne shkarkimet me rreth 300 meter kub ne sekonde per te qene te pergatitur dhe per nje situate edhe me te keqe dhe nga Ulza ne Shkopet gjate gjithe dites se djeshme dhe nates jane bere shkarkime rreth 250 meter kub ne sekonde. "Patjeter edhe atje jemi duke e ndjekur situaten minute pas minute dhe duke e mbajtur nen kontroll", tha Prifti.