Ruli ne kerkim te kredive per bujqesine

Bujqesia ka nevoje per me shume kreditim. Per te permiresuar situaten ne kete drejtim, Ministri i Bujqesise, Genc Ruli ka zhvilluar sot nje takim konsultativ me perfaqesues te shoqatave te mikrokredive i cili ka pasur si qellim diskutimin e veshtiresive qe ndesh kreditimi i aktiviteteve bujqesore. "Duke u bazuar ne eksperiencen tuaj disa vjecare", u ka thene ministri Ruli te pranishmeve, "te mundohemi te identifikojme se bashku se cfare mund te behet per lehtesimin e aksesit te fermereve ne mikrokredi dhe rritjen e financimit per aktivitetet bujqesore" Zonat rurale ne Shqiperi zene rreth 2/3 e siperfaqes dhe punesojne (direkt apo indirekt) mbi 50% te krahut te punes. Keto zona permbajne potenciale te konsiderueshme per zhvillimin e vendit, ku pervec te tjerave mund te permendim: produktet bujqesore, agroperpunimin, turizmin rural, artizanatin, sherbimet rurale, etj. Shfrytezimi i ketyre potencialeve ekonomike dhe pershpejtimi i ritmeve te zhvillimit ekonomik te ketyre zonave kerkon rritjen nivelit te investimeve per shtimin e kapitalit fizik (investime ne infrastrukture dhe teknologji te perparuara) te bizneseve rurale (bujqesore dhe jo-bujqesore); Kreditimi ne zonat rurale gjate ketyre viteve eshte ofruar pothuajse vetem nga institucionet mikrofinanciare jo-bankare. Aktualisht, oferta e mikrokredise ne zonat rurale eshte pak e zhvilluar, duke mbuluar vetem rreth 10-15% te kerkeses se familjeve dhe ndermarrjeve rurale. Kjo gjendje eshte akoma me problematike ne sektorin bujqesor ku veshtiresite lidhur me aksesin ne kreditim jane akoma me te medha. Pervec nivelit te larte te interesave, aksesi i bizneseve rurale ne kreditim perballet dhe me faktore te tjere si: mungesa e sasise se kerkuar te kolateralit, papershtatshmeria e kushteve dhe afateve te pageses se kredise me ciklin e prodhimit.