Privatizimi i OSSH, do te perfundoje brenda muajit shtator

Duket privatizimi i nje prej sektoreve me te rendesishem ne vend, atij te energjise elektrike do te perfundoje brenda muajit shtator. I cilesuar si nje prej privatizimeve me delikate, tashme Operatori i Sistemit te Shperndarjes se Energjise do te kaloje ne duart e investitoreve private. Jane kater kompani te huaja qe, pasi kane kaluar fazen parakualifikuese, tashme presin tenderin per te mesuar se cila prej tyre do te jete pronarja e re e OSSH-se. Sipas Ministrise se Ekonomise, Tregtise dhe Energjetikes, ne fazen parakualifikuese ato qe kane dorezuar dokumentacionin zyrtar jane kompania italiane ENEL, kompania EVN, kompania ceke CEZ dhe ajo austriake Enery Steiermark AG. Keto kompani kane perfunduar analizimin e dokumentacionin financiar dhe asetet e OSSH-se, ne menyre qe ne shtator te paraqesin ofertat e tyre. Nderkohe, gjate kesaj periudhe kohore ato kane vizituar nga afer objektet ne pronesi te OSSH-se ne menyre qe te krijojne nje ide te qarte per oferten financiare qe do te dorezojne per blerjen e saj. Nepermjet tenderit te hapur nderkombetar, Qeveria synon te shese 76 per qind te aksioneve te Operatorin e Sistemit te Shperndarjes. Nderkohe, ende nuk eshte percaktuar se si do te behet vleresimi i kompanive ne kete tender, ne drejtim te pikeve qe do te kete oferta financiare dhe plan biznesi. Shitja e OSSH-se eshte konsideruar privatizimi me i veshtire i realizuar deri tani. Kjo duke pasur parasysh problemet ne sektorin e energjise elektrike. Kalimi i Divizionit te Shperndarjes nga shteti te privati pritet te shoqerohet me permiresim ne furnizimin me energji te qytetareve, per sa i perket sigurise se energjise qe do te hidhet ne rrjet. Kjo pasi investitori privat do te realizoje nje fluks te madh investimesh ne linja dhe ne rrjetin elektrik, nje pjese e te cilit aktualisht eshte i amortizuar. Komisioni i Vleresimit te Ofertave do te shqyrtoje dokumentacionin e ketyre kompanive, me qellim qe te beje kualifikimin e tyre per pjesemarrjen ne tenderin e hapur nderkombetar.

Kompanite e interesuara per privatizimin e OSSH-se, jane njohur me kuadrin ligjor, ne menyre qe ne tregun energjetik shqiptar te gjejne po ato rregulla qe kane ne tregjet e vendeve ku ato operojne. Gjithashtu ato po njihen me hollesi me gjendjen teknike dhe financiare te OSSH-se.