Prizreni, fitues i turneut “Bajrami 2006”
Nga Ejup LLUMNICA
Organizuar nga Asociacioni për Kulturë, Edukim dhe Arsim, me ndeshjet finale të zhvilluara në palestrën sportive "Eurosporti" në Bardhosh, pikërisht në ditën e parë të Fiter Bajramit, ka përfunduar turneu "Kupa e Bajramit 2006" në futboll të vogël. Ky turne, i pari i këtij lloji, është zhvilluar në katër rajone, ku janë përfshirë 90 ekipe: Prishtina 28 ekipe, Podujeva 22, Prizreni 20 dhe Skënderaj 20. Për pjesën finale janë kualifikuar Prishtina, Prizreni, Podujeva dhe Skënderaj, por kjo e fundit mungoi pa ndonjë arsye. Kështu, në ndeshjet finale u ballafaquan Prishtina, Prizreni dhe Podujeva. Epiteti i më të mirit me plot meritë i takoj Prizrenit me dy fitore. Në ndeshjen e parë Prizreni mundi Podujevën me rezultat 3:1. Ndërsa, në ndeshjen e dytë të pjesës finale, Prizreni bindshëm mundi Prishtinën me rezultat 4:0. Vendi i dytë i takoi Podujevës, e cila ishte më e mirë se Prishtina, duke e mundur me rezultat 6:1. Takimet e pjesës finale i drejtuan gjyqtarët Bajram Krasniqi dhe Shemsi Humolli të Prishtinës. Lojtari më i dalluar në këtë turne ishte Valdet Pinaj i Prizrenit me 6 gola të shënuar në pjesën finale. Kupën kapitenit të Prizrenit, Xhelil Gashi, ia dorëzoi Nehat Dervishi, përgjegjës i departamentit për zhvillim në kuadër të Asociacionit për Kulturë dhe për Arsim. Sipas Sabri Makollit, zëdhënës i këtij turneu, kjo garë në të ardhmen pritet të jetë tradicionale dhe do të mbahet për nder të Fiter Bajramit.
Organizuar nga Asociacioni për Kulturë, Edukim dhe Arsim, me ndeshjet finale të zhvilluara në palestrën sportive "Eurosporti" në Bardhosh, pikërisht në ditën e parë të Fiter Bajramit, ka përfunduar turneu "Kupa e Bajramit 2006" në futboll të vogël. Ky turne, i pari i këtij lloji, është zhvilluar në katër rajone, ku janë përfshirë 90 ekipe: Prishtina 28 ekipe, Podujeva 22, Prizreni 20 dhe Skënderaj 20. Për pjesën finale janë kualifikuar Prishtina, Prizreni, Podujeva dhe Skënderaj, por kjo e fundit mungoi pa ndonjë arsye. Kështu, në ndeshjet finale u ballafaquan Prishtina, Prizreni dhe Podujeva. Epiteti i më të mirit me plot meritë i takoj Prizrenit me dy fitore. Në ndeshjen e parë Prizreni mundi Podujevën me rezultat 3:1. Ndërsa, në ndeshjen e dytë të pjesës finale, Prizreni bindshëm mundi Prishtinën me rezultat 4:0. Vendi i dytë i takoi Podujevës, e cila ishte më e mirë se Prishtina, duke e mundur me rezultat 6:1. Takimet e pjesës finale i drejtuan gjyqtarët Bajram Krasniqi dhe Shemsi Humolli të Prishtinës. Lojtari më i dalluar në këtë turne ishte Valdet Pinaj i Prizrenit me 6 gola të shënuar në pjesën finale. Kupën kapitenit të Prizrenit, Xhelil Gashi, ia dorëzoi Nehat Dervishi, përgjegjës i departamentit për zhvillim në kuadër të Asociacionit për Kulturë dhe për Arsim. Sipas Sabri Makollit, zëdhënës i këtij turneu, kjo garë në të ardhmen pritet të jetë tradicionale dhe do të mbahet për nder të Fiter Bajramit.