Projekti i PD-së, Basha: Liberalizim i ekonomisë, vendosja e taksës së sheshtë 9 %

Në takimin me përfaqësues të biznesit në Durrës, Kryetari i Partisë Demokratike Lulzim Basha lancoi projektin ekonomik të PD-së, që bazohet  tek ulja e taksave dhe vendosja e taksës së sheshtë 9 %.  “Prioriteti numër 1 është që çmimet tona të karburantit dhe energjisë të jenë të paktën me nivelet e rajonit. Duke ulur taksat, biznesi dhe produkti shqiptar do të jenë më konkurruese në rajon. PD ka gati planin për biznesin, çmimi i naftës, çmimi i energjisë dhe niveli i taksave do të jetë konkurrues me vendet e rajonit,”, tha lideri demokrat. 
Basha tha se qeveria që do të drejtojë në rast fitoreje në zgjedhje, do të krijojë klimë miqësore për biznesin duke liberalizuar ekonominë.