Prokurimi publik, permiresime te reja te ligjit

Ligji i prokurimeve publike do te ndryshoje serish, ne pershtatje te vazhdueshme me legjislacionin e Bashkimit Evropian ne kete fushe. Komisioni parlamentar i Ekonomise dhe Financave, diskutoi dje ndryshimet ne ligjin "Per prokurimin publik", qe synojne zbatimin e dispozitave per kontrata publike, per operatoret qe veprojne ne sektoret e ujit, energjise, transportit dhe sherbimeve postare, por edhe ngritjen e nje komisioni per shqyrtimin e ankesave. Drejtore e Agjencise se Prokurimit Publik, Klodiana Cankja, tha se "duke qene se legjislacioni aktual nuk rregullon prokurimet publike ne sektoret e utiliteteve, ndermarrja e kesaj nisme perben nje hap perpara, drejt perafrimit te plote te legjislacionit shqiptar me ate te BE-se". Gjithashtu, sipas drejtores se APP-se, nje ndryshim tjeter i propozuar ne kete p/ligj eshte edhe ngritja e nje organi rishikimi kolegjial, i cili do te jete ne varesi te kryeministrit. "Ky organ qe ka ne kompetence rishikimin e ankesave te prokurimeve publike, i merr vendimet ne menyre kolegjiale, vendime qe jane administrativisht perfundimtare",-tha Cankja, ndersa shtoi se "kunder vendimeve te komisionit, behet ankim prane gjykates perkatese". Deri tani ky proces eshte kryer nga Drejtoria e Ankesave dhe Ceshtjeve Ligjore per Prokurimet, ne Agjencine e Prokurimit Publik. Shqiperia eshte i vetmi vend ne bote, qe ka 100% prokurime elektronike. Vendi i dyte ne bote per prokurime elektronike te zhvilluara, eshte Kili me 85 %, standardi evropian eshte me 40 %.