Prokuroria- KLD-së: T`i hiqet imuniteti gjyqtarit Alvano Murataj

Prokuroria e Përgjithshme i ka kërkuar Këshillit të Lartë të Drejtësisë për autorizim për heqje imuniteti ndaj gjykatësit të Korçës Alvano Murataj.

Në një deklaratë për shtyp Prokuroria e Përgjithshme thekson se kjo kërkesë vjen pasi Murataj gjatë një procedimi penal për veprën penale të korrupsionit, ai është thërritur me statusin e dëshmitarit, ku ka dhënë shpjegime në fazën e hetimeve paraprake, të cilat janë vlerësuar si të drejta dhe në përputhje me të gjitha provat e tjera.

Në seancën gjyqësore për këtë çështje, kur është thirrur të pyetet si dëshmitar, shtetasi Alvano Murataj, ka ndryshuar thëniet duke dhënë dëshmi të rreme në favor të të pandehurit.
 

Ndërkohë Prokuroria e Rrethit Gjyqësor Pogradec ka filluar procedimin penal ndaj shtetasit Alvano Murataj, gjykatës pranë Gjykatës të Rrethit Gjyqësor Korçë, për dëshmi të rreme parashikuar nga Kodi Penal, neni 306.