Prokuroria: Biznesmeni Habazaj i përfshirë në trafik

Prokuroria ka bërë të ditur se po hetohet edhe për aktivitetin e Habazajt në Itali. Në vëzhgim nga Prokuroria janë vënë dhe miqtë e pronarit të firmës së ndërtimit “HG costruzioni”, me qendër në Coppito Itali, shumë prej të cilëve janë persona me precedentë penalë dhe të përfshirë në trafiqe të ndryshme.

Genci Habazaj, i cili prej vitesh jetonte në Itali, kishte ardhur më 14 gusht në Vlorë për të kaluar pushimet në vendlindje. Por, që prej së premtes ai humbi gjurmët. Tre ditë më vonë, trupi i tij i pajetë i gjet në fshatin Darzezë të Fierit, i masakruar dhe i djegur. Ishin familjarët që identifikuan trupin e të dashurit të tyre në morgun e Tiranës.