Pronat, Komisioni i Ligjeve diskuton për projektligjet e qeverisë

Komisioni i Ligjeve ka diskutuar sot edhe draftligjet për çështjen e pronës. Komisioni ka marrë në shqyrtim edhe kërkesën e ministrit të Mjedisit Fatmir Mediu e cila është kundërshtuar nga opozita.
 

Sipas deputetëve të opozitëë, komisioni nuk mund të shqyrtojë kërkesat e ministrave kur drafti ka firmën e kryeministrit. “Nëse ministri i Mjedisit ka mendim të ndryshëm nga qeveria të japë dorëheqjen” kanë theksuar deputetët e opozitës.
 

Nga ana e tij ministri i mjedisit Fatmir Mediu ka theksuar se e ka kundërshtuar edhe në qeveri ligjin për pronat. “E kundërshtova edhe në qeveri ligjin duke bërë propozimet e mia. Partia Socialiste duhet të jetë e rezervuar kur flet për pozicionin tim në qeveri” shtoi Mediu.

Komisioni për Çështjet Ligjore, Administratën Publike dhe të Drejtat e Njeriut kanë marrë sot në shqyrtim projektligjin “Për kthimin dhe kompensimin e prones” te ndryshuar, projektligjin  "Per shqyrtimin e vlefshmerise ligjore te krijimit te titujve te pronesise mbi token bujqesore” te ndryshuar dhe projektligjin "Per kalimin ne pronesi pa shperblim te tokes bujqesore" te ndryshuar.