Pronat, gati regjistri i transparences

Te gjitha pronat dhe vendimet e marra per to qe nga viti 1993, do te pasqyrohen ne nje regjister te posacem. Burime nga Agjencia e Kthimit dhe Kompensimit te Pronave, bejne te ditur se brenda nje kohe shume te shkurter do te zbardhet ne menyre te organizuar dhe transparente cdo pjese toke qe eshte njohur, eshte kthyer apo kompensuar para 15 vjetesh ne rang vendi. Megjithate, Agjencia thekson se korniza e transparences do te perfshije te gjitha vendimet, per te cilat ekzistojne elemente, ndersa mund te perjashtohen te gjitha rastet e mundshme, te cilat kane kaluar dhe jane perpunuar ne rruge zyrtare pas takimeve gjyqesore. Behet fjale per nje qellim afatshkurter te AKKP-se, i cili do te behet i realizueshem brenda nje afati shume te shkurter. Transparenca nga viti 1993 deri me sot do te perfshije te gjithe informacionin per cdo qark e per cdo qytet, sa prone eshte njohur, sa eshte kthyer, sa eshte kompensuar, sa vendime jane marre per te drejte parablerjeje. Burime nga AKKP-ja bejne te ditur se kjo behet per te skanuar te gjitha ato vendimmarrje qe jane dhene gjate ketyre viteve. Per kete proces, ne bashkepunim edhe me OSBE-ne, po realizohet nje projekt-pilot per hedhjen e vendimeve te 2000 dosjeve ne harte. Permes kesaj, synohet te permiresohet dhe baza e te dhenave te krijuar ne AKKP me vendimet e dhena qe nga 1993 e ne vazhdim, duke shtuar informacionet dhe duke krijuar mundesine e nje aksesi sa me te shpejte. Paralelisht me kete do te skanohen hartat e vendimeve te meparshme dhe do te hidhen ato ne hartat me te cilat punon sistemi i regjistrimit.