Raporti, 36,4% e energjise humbi ne rrjet

Rreth 36,4 per qind energjise elektrike humbet ne rrjet. Korporata Elektroenergjetike Shqiptare paraqiti dje te dhenat, lidhur me humbjet dhe arketimin e energjise elektrike, ku vihet re se keta tregues jane permiresuar gjate vitit te kaluar. Megjithate serish humbjet e energjise elektrike vazhdojne te mbeten ne nivele te larta, ndonese kane shenuar nje renie ne masen 5 per qind, ne krahasim me vitin 2006. Sipas raportit te vitit 2007 dhe parashikimit per vitin 2008, vihet re se rritja e arketimeve arriti ne masen 89,5 per qind per vitin e kaluar. Raporti ben te ditur se KESH-i ka rregulluar menyren e faturimit te konsumatoret familjare, cka do te thote se Korporata ka rritur kontrollet ndaj konsumatoreve, qe abuzonin me energjine elektrike, gje qe ka cuar ne rritjen e arketimeve ne eliminimin e faturave te fryra dhe abuzimeve me faturimet. Gjithashtu, raporti ve ne dukje se viti qe sapo lame pas ka qene edhe me i keqi per sa i perket situates hidrike, cka u perkthye ne krize te thelle energjetike. Pikerisht per kete arsye ne treguesit e KESH raporti prodhim-import kane peshe krejtesisht te ndryshme ne krahasim me vitet e kaluara. Nderkohe, treguesit jane permiresuar ne fillim te 2008, ku prodhimi i energjise eshte dyfish me i larte se energjia e siguruar nga importi. Por, me gjithe treguesit me te mire hidrik te ketij viti, shpenzimet e importit te kryera nga KESH vazhdojne te jene teper te larta, kjo, sipas KESH, eshte per faktin e rritjes se cmimit te energjise elektrike ne tregun nderkombetar. Konsumatoreve gjate muajve te pare te ketij viti energjia iu shit me 8,04 leke per kwh, nderkohe qe blihet me 10,22 leke per kwh.