Prostitucion me qira, pranga 39-vjecares
Fier- Megjithese ne kohe krize ekonomike, pazari i seksit nuk ka tendenca renese. Nje 39-vjecare eshte kapur ne flagrance, pas nje operacioni me agjente te infiltruar, teksa ushtronte zanatin e punetores se seksit ne banesen e nje te moshuari, kundrejt pageses prej 10 mije lekesh per cdo klient. Policia e Fierit deklaroi dje se ka vene ne pranga te dyshuaren Miranda Sh., nen akuzen e "ushtrimit te prostitucionit" dhe mori nen hetim ne gjendje te lire 82-vjecarin Rrapo M., per "mbajtje te ambienteve per prostitucion".
Aksioni eshte zhvilluar duke u zbardhur dita e djeshme nga Seksioni i Luftes Kunder Trafiqeve te Paligjshme ne Policine e Fierit. Hetimet mesohet se kane zgjatur rreth nje muaj, duke mbajtur nen mbikeqyrje te dyshuaren Miranda Sh., e cila banonte perkohesisht ne lagjen "Konferenca e Pezes". Te dhenat operative kane sinjalizuar agjentet e Antitrafikut, qe per disa jave siguruan prova per veprimtarine e 39-vjecares. Me se fundi eshte vendosur edhe infiltrimi i nje agjenti qe eshte hequr si klient dhe eshte vepruar ne kushtet e flagrances.
Sipas hetimeve te kryera, rezultonte se e dyshuara pasi binte ne kontakt me te interesuarit, bente edhe pazarin per cdo akt seksual, duke ofruar edhe "hotelin", shtepine e te moshuarit Rrapo M., i cili nuk mbijetonte dot me leket e pensionit dhe jetonte i vetmuar, duke pranuar oferten "dashamirese" te gruas se re. Policia konstatoi se 39-vjecarja jetonte ne kete banese ku dhe u kap ne kushtet e flagrances. Duke marre parasysh se ofronte dhe hotelin ku kryheshin marredheniet seksuale, Miranda ka vendosur si pazar per cdo klient, shumen prej 10 mije lekesh. Edhe pazari me klientin e fundit eshte bere po ne te njejten shifer pagese.
"Ne vijim te veprimeve hetimore, filloi procedimi penal ne gjendje te lire edhe ndaj te dyshuarit Rrapo M., 82-vjec, per vepren penale "mbajtje e ambienteve per prostitucion", saktesoi policia vendore dje pas aksionit. Dyshohet se i moshuari kishte rene dakord me gruan e re, qe kundrejt nje pagese te ofruar t'i linte nje dhome te shtepise sa here qe ajo te kishte nevoje.
E ndaluar:
Miranda Sh., 39-vjece
Nen hetim:
Rrapo M., 82 vjece
Akuzat:
"Ushtrim prostitucioni"
"Dhenie ambientesh per prostitucion"
Precedenti
Dy jave me pare Policia e Beratit ndaloi nje 40 vjecare nga lagjja "30 Vjetori" qe kishte vene banesen e saj ne dispozicion te veprimtarise qe ushtronte vete, si punetore seksi. Kundrejt pageses modeste 1 mije leke, Mimoza G., afronte klientet ne banese ku dhe ushtronte prostitucion.