Protesta, dje mijera njerez para Kuvendit per greven

Mijera njerez protestuan dje para selise se Kuvendit ne momentin kur po zhvillohej seanca plenare, ku po diskutohej Kodi Zgjedhor. Me parulla ne duar "Hajdutet nuk mund te numerojne votat", "Vota eshte e jona" dhe "E duam Shqiperine si gjithe Evropa", protestuesit mbeshteten gjate gjithe qendrimit te grevisteve, brenda seances plenare. Turma u shpernda, vetem ne momentin kur grevistet hoqen dore nga kjo forme proteste. Tubimi u zhvillua i qete, pavaresisht numrit te larte te protestuesve. Policia ishte organizuar qe ne oret e para te mengjesit te djeshem e me nisjen e protestave, policet te bere gardh rreth Kuvendit, nuk lejuan afrimin e protestuesve. Me daljen nga salla te dhjete deputeteve qe nje jave me pare, po diten e hene hyne ne greven e quajtur "pa afat", dhe mbeshtetesit e tyre u shperndane qetesisht. Gjate gjithe zhvillimit te seances se djeshme plenare, protestuesit bertisnin "Turp, Turp, Turp", per kryeministrin Sali Berisha dhe kreun e Partise Socialiste Edi Rama, qe sipas tyre, me formulat e reja ne kod, tentojne te vjedhin votat e shqiptareve. Gjate gjithe diteve te greves, mbeshtetesit qendruan para dyerve te Kuvendit per te mbeshtetur formen e protestes qe zgjodhen deputetet, me argumentin ne mbrojtje te votes se lire.