Protesta ne Moske kunder mandatit te trete ne detyre te Vladimir Putinit

Mijera ruse u mblodhen sot ne qender te Moskes per te protestuar kunder mandatit te trete ne detyre te presidentit te ardhshem Vladimir Putin pas akuzave per manipulime ne zgjedhje. Por kjo proteste nuk arriti ne shkallen e demonstratave te fundit shenje kjo se opozita mund te jete duke e humbur vrullin.

Udheheqesi i opozites se majte Sergei Udaltsov ishte mes disa te arrestuarve sot ne Moske pasi ne perfundim te protestes ai u perpoq te kryesonte nje marshim per te cilin nuk ishte dhene leje. Rreth 40 njerez u arrestuan ne nje manifestim te zhvilluar pa leje ne Shen Petersburg.

Demonstruesit u shprehen kunder autoritetit te zotit Putin i cili fitoi 64 per qind te votave ne zgjedhjet e se dieles se kaluar. Ai sherbeu si president ne periudhen 2000-2008 por kufizimi ne 2 mandate e parandaloi ate te kandidonte per nje mandat te trete. Gjate 4 vjeteve te fundit ai ka qene kryeminister i vendit.

Partia ne pushtet Rusia e Bashkuar e zotit Putin fitoi 238 prej 450 vendeve te parlamentit ne zgjedhjet parlamentare te dhjetorit. Akuzat per manipulime ne ato zgjedhje shkaktuan protesta qe u kryesuan nga opozita.

Dhjetra mijera njerez dolen neper rruge ne Moske dhe qytete te tjera ruse duke kerkuar perseritjen e zgjedhjeve ne demonstratat me te medha ne Rusi qe prej shperberjes se Bashkimit Sovjetik.