Protesta per emrin, vale arrestimesh e 9 police te plagosur
Nente police te plagosur dhe shume arrestime pas protestes se mijera qytetareve ne sheshin "Pela", ne Shkup, per emrin e vendit. Ne nje pohim te djeshem te Ministrise se Puneve te Brendshme te Maqedonise, thuhet se ne tubim moren pjese rreth 10.000 qytetare. Por perplasja me policine ndodhi pas protestes, kur nje pjese e tyre u drejtuan per ne Zyren e Lidhjes te Greqise ne Maqedoni. Protesta synonte sensibilizimin e opinionit kunder ndryshimit te emrit te Maqedonise ne bisedimet me Greqine dhe u mbajt me moton "Maqedoni, maqedonas, maqedonase, vetem kete e pranojme". Protestuesit qe u drejtuan nga Zyra greke per Lidhje, kerkuan ta sulmojne kete zyre me gure dhe u perleshen me forcat policore qe i penguan. Gjate perplasjes u demtuan kater makina te policise dhe u thyen xhamat e nje banese private, njoftoi sot Ministria e Puneve te Brendshme e Maqedonise. Sic eshte mesuar, policia ka arrestuar rreth dhjete vete dhe ka paralajmeruar flete kallezime kunder disa te tjereve "pasi te ndricohet" ky rast.
"Maqedoni, maqedonas"
Me moton "Maqedoni, maqedonas, maqedonase -vetem kete e pranojme", rreth 7.000 qytetare protestuan mbreme ne sheshin "Pela", te Shkupit, "kunder ndryshimit te emrit kushtetues te Maqedonise dhe per mbrojtjen e identitetit kombetar". Protestuesit kerkuan qe Maqedonia "te nderprese menjehere negociatat me Greqine per ceshtjen e emrit", duke vleresuar se ky emer "nuk duhet te ndryshohet as per anetaresimin e vendit ne NATO dhe BE". Ne mbyllje te protestes, qe u zhvillua ne qetesi, nje grup qytetaresh, pjesemarres ne proteste, u nis drejt Zyres greke per Lidhje dhe gjate nje orvatjeje per ta goditur me gure, u perleshen me forcat policore. Protestuesit qellonin me shishe dhe gure drejt forcave te policise, por policia reagoi ashper dhe parandaloi incidentet e metejme. Sipas disa mediave, ky grup qytetaresh sulmoi edhe ekipet e gazetareve. Pjesetaret te forcave speciale te policise mbreme siguronin Zyren per Lidhje te Greqise, si dhe Ambasaden amerikane ne Shkup. Organizues te protestes ishin shoqata "Te rinjte dine" dhe nje grup intelektualesh maqedonas, te cilet thane se shkak i protestes jane "rezultatet e deritanishme dhe deshtimi ne negociatat me Metju Nimicin". Sipas tyre, "nuk ka asgje me radikale se sa perpjekja per ndryshimin e identitetit te nje kombi me negociata".
Protesta e djeshme kishte marre edhe mbeshtetjen e partise me te madhe ne pushtet ne Maqedoni, VMRO-DPMNE dhe disa partive te tjera. Forcat politike shqiptare nuk u perfshine ne kete manifestim, ndersa koordinatori dhe deputeti i Bashkimit Demokratik per Integrim (BDI - ne opozite), Rafiz Haliti, u shpreh se "ceshtja e emrit nuk mbrohet rrugeve, por nepermjet institucioneve vendase dhe nderkombetare".