Shkurtohet prapavija, shtohen infermieret

Shkurtohet prapavija, shtohet personeli mjekesor ne spitalin rajonal te Shkodres. "Pacienti ne plan te pare". Jo pak, por 43 punonjes te prapavijes ne kete spital, do te hiqen nga puna ne kuader te reformes qe ka perfshire sistemin e shendetesise ne vendin tone. Menjehere pas largimit, ne vend te tyre do te emerohen infermiere dhe persona te tjere qe lidhen direkt me dhenien e sherbimit mjekesor pacienteve te ketij spitali. Lajmi eshte bere dje me dije per "KJ" nga drejtoresha, Alma Kurti. Ajo thote se reforma qe po behet aktualisht ne institucionin qe ajo drejton qe prej disa muajsh, do te coje ne permiresimin e sherbimit mjekesor dhe vendosjen e tij ne parametra bashkekohore. Numri nje i Spitalit Rajonal te Shkodres, sqaron se largimi nga puna i punonjesve te prapavijes eshte vendosur pas nje inspektimi dhe kontrolli te detajuar per te gjitha pozicionet e punes, per sa i perket prapavijes e sherbimeve te ndryshme qe nuk lidhen direkt me sherbimin mjekesor ndaj te semureve.