Protesta pranë ministrisë së Arsimit, studentët djegin një kazan mbeturinash në rrugën e Durrësit
Studentët i kanë vendosur flakën një kazani mbeturinash në rrugën e Durrësit, ndërsa vijojnë protestën para ministrisë së Arsimit.
Protesta deri më tani ka qenë e qetë, ndërsa pritet që të rinjtë të marshojnë drejt Kryeministrisë, ku kërkojnë dorëheqjen e Edi Ramës.
Studentët kanë refuzuar dialogun me kreun e qeverisë, duke theksuar se kërkesa e tyre për dorëheqje mbetet e panegociueshme.
