Protesta të reja në Kajro

Sipas të dhënave të korrespondentëve në kryeqytetin egjiptian, Kajro, policia ushtarake ka përdorur dhunë për shpërndarjen e qindra demonstruesve të mbledhur në sheshin Tahrir.

Ushtarët qëlluan në ajër, goditën demonstruesit disa prej të cilëve edhe u arrestuan. Gjatë ndërhyrjes ndaj një kampi çadrash të vendosura në shesh, ushtarët janë mbështetur edhe nga automjetet e blinduara.

Rreth 200 demonstrues janë larguar dhe janë futur në një xhami, e cila pastaj është rrethuar nga ushtarët. Në këtë mënyrë sa vjen e shtohen tendosjet mes lëvizjes protestuese, e cila në fillim të vitit rrëzoi nga pushteti pushtetmbajtësin shumëvjeçar, Hosni Mubarak dhe ushtrisë, që tani qeveris vendin.

Disa orë para ndërhyrjes, dhjetëra mijëra vetë kishin demonstruar në sheshin Tahrir.