"Proteste nese nuk plotesohen kushtet e dializes"

Pacientet e semure nga veshkat, te cilet kryejne dialize, do te hidhen ne proteste nese nuk plotesohen kerkesat e tyre. Prej nje kohe te gjate ata kane kerkuar rritje te pagesave per transportin, aparatura te reja si dhe kushte me te mira ne spital. Keto kerkesa ata do t'i shtrojne pas disa ditesh ne Komisionin parlamentar te Shendetesise, por ne qofte se aty nuk gjejne zgjidhje, e vetmja rruge per ta mbetet protesta. Sipas drejtuesit te shoqates se personave qe kryejne dialize, Vullnet Kraja, per qeverine do te vendosen disa afate per plotesimin e kerkesave. Pacientet e hemodializes ne QSUT prej vitesh luftojne per mbijetese, mes sakrificash te medha. Ne kete sherbim ku te rinj, te reja e te moshuar arrijne te shtyjne vetem ditet e tyre te jetes, perballen me peripeci pafund. Gjendja dhe numri i aparateve eshte bere tashme nje problem i perhershem, qe i detyron te qendrojne ne radhe per ciklin rutine, e po ashtu ankohen se blejne gjithcka me parate e tyre, pasi sherbimi nuk u ofron asgje. Edhe pse perpjekja e ketyre njerezve terhiqet zvarre me shpirt nen dhembe, per te vijuar sakrificat per mbijetese, ne shume raste ato jane te deshtuara. Keta te semure renale, qendrojne per ore te tera ne aparatin e pastrimit te gjakut, pa perfituar ndonje rezultat te madh, pasi filtrat qe perdoren nuk jane ato te duhurat. Transporti eshte nje tjeter problem per keta te semure nga veshkat. Shteti arrin t'u rimburosoje nje shume qe per ta eshte e paperfillshme, ne raport me shpenzimet mujore qe kane. Ndersa realizimin e transplantit te veshkes, ne kete spital e shohin si nje utopi.