Provimet e Shtetit, nga 19 janari deri me 7 shkurt

Pas me shume se nje viti diskutimi, me ne fund, te sapodiplomarit dhe ata qe jane ne pune, duhet te mesojne se kur do te japin provimin e shtetit. Nje pjese e tyre jane te rinj qe perfundojne praktiken profesionale, ndersa pjesa tjeter do te jene ata qe jane te punesuar, por qe me kete test do te mesojne nese do te qendrojne ne pune ose do te pushohen. Provimet do te zgjasin nga data 16 janar deri me 7 shkurt. Zedhenesja e Ministrise se Arsimit, Brikena Kollcinaku, publikoi dje datat e provimit per secilen nga profesionet. Kesisoj, nga data 16 deri me 17 Janar do te zhvillohet provimi i stomatologjise. Nga data 18 deri me 25 janar do te zhvillohet provimi i shtetit per profesionin e farmacise, me 26 Janar, mjekesia e pergjithshme, me 27 janar do te zhvillohet provimi per profesionin e mamise, me 30 janar per infermierine, dhe me 7 shkurt per fizioterapine. Sipas Ministrise se Arsimit dhe Shkences, provimi do te zhvillohet dy here ne dite ne godinen e Agjencise Kombetare te Provimeve. Kandidatet duhet te bejne kujdes qe diten e provimit te kene me vete karte identiteti, mandat arketimi te pageses te shoqeruar me faturen e AKP-se, te publikuar ne faqen zyrtare. Ky eshte nje provim qe zhvillohet per here te pare ne kompjuter, me administrator ne cdo salle. Hyrja e kandidateve ne kompjuter do te behet nepermjet identifikimit te gishtit dhe nepermjet fotos se fytyres. Pra, nje kandidat qe do te hyje ne sallen e provimit, pas ketij kontrolli dhe identifikimit, do t'i shfaqet direkt fytyra ne ekran dhe ai do te shkoje te ulet ne ate kompjuter. Vleresimi i provimit te shtetit do te jete elektronik. Madje, per profesione te caktuara, kandidatet do te marrin pergjigjen menjehere sapo te mbarojne testimin. "Per pjesen e mjekesise, te gjitha pyetjet do te jene me alternativa, keshtu qe perfundimi do te dale menjehere nepermjet kompjuterit. Pra, te gjithe ata kandidate qe do te marrin provimin, do te shohin ne kompjuter nje shprehje 'suksese, provimin e keni marre' dhe menjehere do te marrin pergjigjet e pyetjeve dhe certifikaten e zhvillimit te provimit", sqarojne specialistet. Sa u perket tarifave, ato fillojne nisin nga 10 mije leke te reja per kandidatet qe do te futen ne apelin e pare, deri ne 20 mije leke per ata te heres se peste, qe eshte edhe mundesia e fundit per t'u testuar.

Tarifat

Sipas vendimit, tarifat per provimin e shtetit, jane si me poshte: per kandidatin qe jep provimin per here te pare, 10 mije leke; per kandidatin qe jep provimin per here te dyte, 12 mije e 500 leke; per kandidatin qe jep provimin per here te trete, 15 mije leke; per kandidatin qe jep provimin per here te katert, 17 mije e 500 leke dhe per kandidatin qe jep provimin per here te peste, 20 000 leke. Kandidatet duhet t'i paguajne tarifat, para procesit te regjistrimit per provim, prane bankave te nivelit te dyte ose zyrave te Postes Shqiptare, per Degen e Thesarit - Tirane, per llogari te Agjencise Kombetare te Provimeve.