Pullat dyfishe, institucionet: Nuk ka rritje te cmimit Sonila Isaku

Vendosja e pulles dyfishe te barnat nuk do te sjelle rritje cmimi, por thjesht, me teper siguri. Kjo, pasi kostoja e pergatitjes se saj eshte gati e barabarte me koston e pulles aktuale. Ky eshte reagimi i dhene nga institucionet me te larta qe kane te bejne me barnat, pikerisht nga Ministria e Shendetesise dhe Qendra Kombetare e Kontrollit te Barnave, pas deklarates se Urdhrit te Farmacisteve. Ky i fundit, vetem dy dite me pare, deklaroi se vendosja e pulles dyfishe do te rriste cmimin e barnave me 20 per qind. Por kjo u kundershtua nga institucionet shendetesore. Keshtu, drejtori i Politikave ne Ministrine e Shendetesise, Pellumb Pipero, ka deklaruar se vendosja e pulles dyfishe per barnat do te sjelle me teper siguri ne treg dhe te pacientet. "Pulla e dyfishte rrit sigurine e barnave, garanton cilesine e barnave, shmang kontrabanden, rregullon raportin sistem-qytetar dhe ne asnje menyre, nuk e rrit cmimin e ilaceve. Cmimet e medikamenteve, perkundrazi, kane pesuar renie", pohon Pipero. Nderkohe, nga ana tjeter, drejtori i Qendres se Kontrollit te Barnave, Besnik Jaka, tregon edhe me shifra se sa e paperfillshme eshte rritja e cmimit te medikamenteve, pas vendosjes se pulles dyfishe. Sipas Jakajt, nuk do te lejohet rritja e cmimit te barnave nen argumentin e vendosjes se pulles dyfishe qe, sipas tij, ka te njejten kosto me pullen aktuale. "Nuk ka rritje as me nje per qind e as me 0.5 per qind te cmimit te barnave. Kjo eshte nje pulle shume pak me e shtrenjte qe leviz me 0.001 per qind me pullen aktuale. Kjo pulle dyfishe heq mundesine e abuzimit te farmacisteve me dhenien e ilaceve pa receten e mjekut dhe te ndihmoje sistemin dhe ISKSH-ne, per te kontrolluar cdo lloj abuzimi qe mund te kete me ilacet e listes se rimbursimit", ka pohuar Jakaj. Sipas tij, kjo pulle do te jete e perbere me dy pjese, nje vendoset ne recete dhe tjetra te ilaci. Pulla dyfishe do te vendoset brenda vitit 2012.