Pullazi: Rinia i përballon angazhimet

Forumi Rinor i Demokracisë Sociale, nëpërmjet kryetarit Florian Pullazi, përshëndeti dje vendimin e sekretariatit të përgjithshëm të NATO-s për anëtarësimin e Shqipërisë dhe Kroacisë në Aleancën e Atlantikut të Veriut. "Anëtarësimi i Shqipërisë në NATO është meritë e të gjithë shqiptarëve, ndaj nuk mund të ketë ngjyra politike. Një proces i nisur që në vitin 1992 dhe që u finalizua me sukses në vitin 2009, për kohëzgjatjen e tij të madhe, është e patolerueshëm për liderët politikë", u shpreh Pullazi. Në fakt, shtoi ai, rinia shqiptare, është ajo që nesër do të duhet të përballojë me përgjegjësi angazhimet që rrjedhin nga ky anëtarësim.