Punetore sipas nevojave te tregut te punes

Punetoret te cilet do te trajnohen me ane te specializimeve te ndryshme nga Ministria e Punes, tashme do te jene sipas kerkesave qe ka tregu. Ky ka qene vendimi me i fundit i marre nga Ministria e Arsimit, i cili u be publik ne takimin me perfaqesuesit e ILO-s gjate dites se djeshme. "Nje rol te rendesishem luan zhvillimi i biznesit dhe ne kete kendveshtrim, si per sa i perket afrimin te nje fuqie punetore te pershtatshme per nevojat e tregut te punes, ashtu edhe ne identifikimin dhe parapergatitjen e aftesive te nevojshme per kete treg edhe ne kemi nje rol te rendesishem per te luajtur", eshte shprehur gjate fjales se tij zv/ministri i Punes, Kastriot Sulka. Sipas tij, drejtimi kryesor per permiresimin e gjendjes se punesimit dhe luftes ndaj varferise, do te vazhdojme ta mbeshtesim ne zhvillimin ekonomik te vendit. Kjo do te behet me ane te aplikimit te nje game te re te masave ndaj varferise. Konkretisht duke perfshire rritjen e investimeve ne zonat me probleme sociale dhe mbeshtetje ekonomike financiare per te disavantazhuarit, nepermjet rritjes se perfshirjes se individeve dhe familjeve ne nevoje ne skemen e ndihmes ekonomike. Duke u ndalur ne zbatimin e projektit "Asistence per fuqizimin e sistemit te punesimit dhe formimit te Sherbimit Kombetar te Punesimit", Sulka theksoi se praktikat boterore tregojne se nje menyre per rritjen e eficiences dhe efektivitetit te sherbimit publik te punesimit eshte te punuarit mbi nje strategji. Specialistja e Punesimit e ILO, Natalia Popova, pohoi se eshte evidentuar gjendja aktuale e sherbimeve te punesimit ne Shqiperi dhe jane paraqitur rekomandimet per permiresimin e tyre. Grupi i punes i ngritur per hartimin e Strategjise se Brendshme te SHKP, e para e ketij lloji, do te bazohet ne hartimin e ketij dokumenti te rendesishem ne gjetjet dhe rekomandimet e ketij studimi.