Pushimet nderpresin analizen e PS ne baze

Ne fund te muajt korrik, Asambleja e Partise Socialiste e vendosi qe periudha kohore deri ne mbajtjen e kongresit ne muajin nentor te ishte kohe zgjedhjesh dhe analize brenda Partise Socialiste. Pervec takimeve te kreut te PS-se me te zgjedhurit vendore ne Sarande me daten 15 korrik, takimet per ristrukturimin e statusit te PS-se, apo ndryshimin e programit te saj politik kane qene formale. Sezoni veror ka bere qe axhenda e PS-se per zgjedhjet brenda saj dhe ngritjen e Organizatave Socialiste te shtyhet per ne javet e para te shtatorit. Nderkohe qe burime nga PS-se bejne te ditur se edhe takimet e grupeve te punes, te ngritura per hartimin e programit te ri politik te selise dhe per ndryshimet statusore nuk jane zhvilluar sipas axhendes se kerkuar. Nderkohe qe deputete te PS-se jane angazhuar vetem ne nje debate mediat qe lidhet me ndryshimin e Kushtetutes, si dhe me diskutimin per aleancen me LSI, gje qe nuk ka qene e parashikuar ne mbledhjen e Asamblese Kombetare te PS pas zgjedhjeve te tete majit. Sipas vendimeve te Asamblese nga muaji korrik strukturat e partise duhet te benin analizen politike dhe administrative ne cdo strukture. Kjo periudhe do te shtrihej deri ne daten 1 shtator. Ndersa pas 1 shtatorit ne deget e PS-se do te fillonte procesi i vendimmarrjes per zgjedhjen e kryetareve te organizatave dhe me pas kryetaret e njesive te PS ne te gjithe vendin. Ndersa nga data 15 tetor deri ne 5 nentor, strukturat e PS-se duhet te zgjidhnin forumet drejtuese te PS ne nivel lokal, se bashku me delegatet e kongresit. Kjo faze pergatitore do te kulmoje me kongresin zgjedhor te dates 5 nentor, ku do te vendosin per strukturat drejtuese te PS dhe do te diskutohet per ndryshime ne statut dhe per programin politik. Dy ceshtje per te cilat po punojne grupet e punes te miratuar nga Asambleja.