Pushtet simbolik per LDK-ne

Marreveshja per konstituimin e institucioneve, qe pritet te zyrtarizohet sot, i jep PDK-se pjesen me te rendesishme te qeverise, e cila pushtetin ka vendosur ta ndaje me partine rivale te saj per shume vite, Lidhjen Demokratike te Kosoves. Burime te "Expressit" thone se marreveshja i jep PDK-se Ministrine e Rendit, Ministrine e Transportit dhe Telekomunikacionit, Ministrine e Energjetikes dhe Minierave, Ministrine e Ekonomise dhe Financave, Ministrine e Arsimit Shkences dhe Teknologjise, Ministrine e Sherbimeve Publike, si dhe Ministrine e Bujqesise, Pylltarise dhe Zhvillimit Rural. Megjithese PDK-ja ende nuk e ka konfirmuar kete ndarje, duket se ajo do te kete pjesen me te rendesishme te qeverise, duke i lene nje pushtet simbolik partneres se saj ne koalicion, LDK-se, e cila do te zgjedhe gjithashtu postin e presidentit. Minoritetet nderkaq, do te mbajne Ministrine e Kthimit dhe Komuniteteve, ndersa do te kene per here te pare Ministrine e Punes dhe Mireqenies Sociale, si dhe Ministrine e Ambientit.