QSUT, grupe mjekesh shtese per festa

Qendra Spitalore Universitare "Nene Tereza" do te perforcohet me grupe mjekesh shtese, per te perballuar aksidentet qe mund te ndodhin gjate festimeve per nderrimin e viteve. Nje urdher i Drejtorise se Qendres Spitalore Universitare "Nene Tereza" ka detyruar shefat e pavijoneve qe te marrin masa sigurie te reja. Keshtu, te gjitha pavijonet kane bere ngritjen e grupeve te vecanta te mjekeve me rastin e festave te fundvitit. Sipas nendrejtorit te QSUT-se, Bajram Bega, duke filluar nga dita e sotme do te jene grupe te vecanta mjekesh, te cilet do te qendrojne ne gatishmeri. Nderkohe qe, pervec ketyre do te jene edhe mjeket e rojes ne cdo pavijon. "Sipas urdhrit qe eshte dhene, do te jene dy deri te tri mjeke roje ne cdo pavijon. Por, pervec ketyre do te jete edhe nje grup tjeter mjekesh, te cilet do te qendrojne ne gatishmeri gjate ketyre diteve te festave", eshte shprehur nendrejtori i QSUT-se, Bajram Bega. Nderkohe grafiku eshte ndertuar edhe per infermieret dhe punonjesit sanitare. Sipas ketij grafiku te percaktuar, mjeket, te cilet kane punuar vjet gjate diteve te festave nuk do te perfshihen ne keto grupe te gatshme te pavijoneve. Po keshtu, nuk do te punojne per 24 ore si mjeke apo infermiere roje. Do te jene te tjere mjeke, pikerisht ata qe kane pushuar gjate festave te vitit te kaluar.

Nderkohe qe nje urdher tjeter eshte dhene edhe per policine private qe punon ne kete institucion shendetesor. "Edhe firma private, e cila eshte kontraktuar nga ana jone do te perforcoje masat e sigurise. Kjo duke dyfishuar numrin e punonjesve gjate diteve te festave", eshte shprehur Bega. Sipas tij, keto masa merren ne rast te ndodhjes se ndonje emergjence per te mos krijuar probleme te mjeket dhe pacientet e tjere te shtruar ne spital. Gjate viteve te tjera, personeli shendetesor gjithmone eshte perballur me raste te pacienteve gjate nates se nderrimit te viteve. Kryesisht rastet kane qene per shkak te djegieve te shkaktuara nga fishekzjarret apo kapsollat plasese.