Festat, kujdes nga mishi dhe bulmeti i tregjeve
Sonila Isaku
Qytetaret duhet te tregohen te kujdesshem per te perzgjedhur mire vendin qe do te blejne mishin apo produktet e qumeshtit per darken festive te Vitit te Ri. Per te eliminuar problemet qe mund te lindin nga konsumimi i ushqimeve te pakontrolluara, Institutit te Higjienes ka nisur nje kontroll te gjere ne tregjet e kryeqytetit. Rezultatet kane treguar se tregtimi i ketyre produkteve ne ambiente jo te sigurta eshte i shoqeruar gjithmone me probleme. Keshtu, pas kontrolleve rezulton se bulmeti qe tregtohet ne ambientet e Pazarit te Ri, te tregu te Stacioni i Trenit dhe tek Uzina Dinamo, eshte jashte kushteve higjieno-sanitare. Per kete arsye, drejtuesit e Institutit te Higjienes kane plotesuar 10 procesverbale kundrejt tregtareve, duke u kerkuar permiresimin e kushteve. "Qe ne fillim te muajit dhjetor kane nisur inspektimet ne te gjitha tregjet per te pare kushtet ku shiten produktet ushqimore, si dhe cilesine e tyre. Ajo qe eshte konstatuar, dhe qe rezulton problematike, eshte shitja e bulmetit jashte kushteve higjieno-sanitare. Per kete kemi marre edhe masat me plotesimin e procesverbaleve", eshte shprehur drejtori i Drejtorise se Shendetit Publik ne kryeqytet, Gjergj Ndoja. Sipas tij, kontrolle po ushtrohet edhe per mallrat e paketuar ne raste se keto te fundit mund te shiten jashte afateve te skadences. Por, deri me tani, nuk eshte hasur ndonje rast i tille.
I vetmi problem mbetet shitja e mishit dhe e bulmetit, te cilat tregtohen ne rruge dhe mbi tavolina te ekspozuara kundrejt pluhurit dhe baltes. Sipas specialisteve te higjienes, te tregu i Stacionit te Trenit eshte vendosur vetem nje proces verbal per vete faktin se tregtaret shesin ne te njejtin vend. Kurse ne tregjet e tjera ka qene edhe numri me i madh i paralajmerimeve qe u eshte bete tregtareve, per vete faktin se kushtet ne keto tregje kane qene edhe me te veshtira. Po keshtu, inspektime jane kryer edhe te bizneset private si lokale apo shites te dyqaneve, por nuk jane hasur raste te tilla, ku produktet ushqimore shiten jashte kushteve te percaktuara nga Instituti i Higjienes. E ndersa ne keto te fundit mund te vendosen gjoba, ne rast se rezultojne shkelje, te shitesit ambulante kjo mase nuk mund te aplikohet, sepse nuk kane numer nipti dhe keto gjoba nuk mund te vilen. "Ajo qe doja te theksoja eshte se ketu duhet te nderhyje edhe policia bashkiake, e cila nuk duhet te lejoje keta shites. Ashtu sikurse largohen shitesit ambulante nga trotuaret, ashtu duhet te largohen dhe keta shites nga kjo polici, te cilet jane disa here me te rrezikshem per shendetin e konsumatoreve", ka pohuar Ndoja. Prej vitesh, keto tregje nuk permiresojne kushtet e shitjes, per shkak te mungeses se investimeve ne to.
Edhe frutat shiten ne balte
Pervec bulmetit edhe frutat, perimet dhe zarzavatet shiten jashte kushteve higjieno-sanitare, por keto te fundit lahen dhe nuk perbejne rrezik per jeten e qytetareve dhe konsumatoreve. Nderkohe qe edhe per keto duhet te vendosen rregulla dhe te kerkohet e njejta mase sigurie, ashtu sikurse per mishin dhe per nenproduktet e qumeshtit. "E njejta situate konstatohet edhe per fruta-perimet, edhe keto shiten ne te njejta kushte ashtu si edhe bulmeti edhe mishi. Por, per keto te fundit, rreziku eshte shume i madh, perimet mund te lahen mire dhe nuk perbejne rrezik", pohon drejtori i DSHP-se, Gjergj Ndoja. Duke pare mundesine e larjes se ketyre, specialistet e higjienes nuk e kane pare te udhes vendosjen e gjobave apo plotesimin e procesverbaleve.