QSUT, punimet para 6-kateshit "turbullojne" ujin

Qendra Spitalore Universitare "Nene Tereza" prej javesh po ndien mungesen e ujit te pijshem, nderkohe qe shume pavijone e marrin ate te turbullt. Kjo per shkak te punimeve qe po kryhen perpara spitalit me te madh, qe eshte ne kete qender spitalore. Te irrituar, mjeke dhe paciente te spitalit, i kane kerkuar Drejtorise se Spitalit dhe Ndermarrjes se Ujesjellesit nje zgjidhje. Por, keto te fundit nuk kane mundur te bejne asnje gje, per vete faktin se problemi ka qene nga defektet e krijuara gjate punes se rikonstruksionit ne kete spital. Pa dashur jane prekur tubat kryesore te ujit, qe kane sjelle derdhjen e tij jo ne vendin e duhur. Konkretisht, uji ka munguar perreth 24 ore ne spital. Mungesa e ujit ne spital eshte nje nga problemet kryesore te paralizimit te punes. Vec pjeses se higjienes, mungesa e ujit shkakton edhe shqetesime te tjera te lidhura drejtperdrejte me punen dhe kujdesin e pacienteve. QSUT-ja vec linjes se vecante, ka edhe nje linje uji te quajtur "linja e dyte". Por kete here linja e dyte nuk e ka zgjidhur dot problemin, pasi rrjeti ka qene i demtuar dhe uji nuk shkonte aty ku duhet, ne cezmat e sherbimeve. Sipas Drejtorise se Ujesjellesit, QSUT-ja eshte nje nga strukturat e rendesise se vecante dhe uji aty nuk ka munguar, edhe kur Tirana ka qene e thare dhe ka pasur probleme me mungesat e furnizimit me uje per dite te tera. Ndersa sipas Drejtorise se QSUT-se, mungesa e ujit nuk renditet nder problemet serioze. Defekti, megjithese eshte konsideruar i vogel, ka krijuar probleme shqetesuese, pasi edhe ai uje qe shkonte ne cezma ishte i turbullt dhe nuk mund te perdorej per pastrimin e ambienteve. Po keshtu, edhe vete mjeket nuk mund te perdornin kete uje per higjienen e tyre personale para apo pas futjes ne sallat e operacionit.