Qeveria, 1 milione leke shperblimi per policet qe kryen operacione te veshtira

Qeveria vendos shperblimin e disa punonjesve te policise se forces se posacme, te cilet marrin pjese ne operacionin e kapjes se personave me rrezikshmeri te larte shoqerore. Fondi i percaktuar per kete qellim eshte 12 milione leke dhe do te merret nga fondi rezerve i buxhetit te shtetit. Ne mbledhjen e djeshme te qeverise, ky vendim ka qene ne krye te heres, duke treguar qarte preokupimin dhe mbeshtetjen qe ekzekutivi shqiptar i jep luftes kunder krimit dhe te gjithe fenomeneve te tjera negative. Keshtu, ne mbeshtetje te Kushtetutes dhe te ligjit "Per menaxhimin e sistemit buxhetor ne Republiken e Shqiperise" dhe te nenit 12, te ligjit "Per buxhetin e vitit 2009", me propozimin e ministrit te Brendshem, Keshilli i Ministrave vendosi shperblimin ne masen 1 milion leke, te cdo punonjesi te policise se forces se posacme, ne Drejtorine e Pergjithshme te Policise se Shtetit, te cilet moren pjese ne operacionin per kapjen e disa personave me rrezikshmeri te larte shoqerore. Ne te njejten kohe, ne lidhje me listen e personave qe do te perfitojne nga ky shperblim, qeveria ka vendosur t'ia lere ne dore ministrit te Brendshem, Bujar Nishani, i cili do te kete dore te lire per keto emra. Qeveria, nderkohe ka percaktuar dhe shumen ne dispozicion te Ministrise se Brendshme ne lidhje me kete shperblim. Sipas vendimit te qeverise te marre dje, Ministrise se Brendshme ne buxhetin e miratuar per vitin 2009, i shtohet fondi prej 12 milione lekesh, per shperblimin e punonjesve qe do te percaktohen sipas pikes 2 te ketij vendimi. Sipas vendimit, ky fond te perballohet nga fondi rezerve i buxhetit te shtetit dhe ngarkohen Ministria e Financave dhe Ministria e Brendshme, per zbatimin e ketij vendimi. S.P

Perfituesit, 12 efektive policie qe moren pjese ne operacionet e fundit

Duke pare shumen e akorduar nga qeveria, per shperblimin e efektivave te policise qe marrin pjese ne operacione te veshtira, maksimalja e perfituesve eshte gjithsej 12 persona, te cilet mendohet se jane policet qe moren pjese ne arrestimin e me te kerkuarve te fundit, qe nga ajo e Dritan Dajtit, e deri tek te kerkuarit e tjere per vrasje, ne Fier dhe qytete te tjera te vendit. Duke respektuar maksimalisht punen dhe djersen, si dhe shkallen e rrezikshmerise se punes se ketyre efektivave te policise.