Qeveria 200 milione leke me pak per AKKP-ne
Anilejda Shembitraku - Ne mbledhjen e djeshme te Keshillit te Ministrave eshte vendosur per nje rishperndarje fondesh buxhetore per shpenzimet korente brenda programeve te miratuara per Ministrine e Drejtesise. Nje nder pikat e ketij vendimi ka qene dhe pakesimi i fondit me 200 milione leke te vjeter per Agjencine e Kthimit dhe Kompensimit te Pronave AKKP. Ky vendim vjen ne nje kohe kur kjo agjenci ka nisur aplikimet per kompensimin e ish-pronareve. Sipas nje deklarate te bere pak kohe me pare nga ministri i Drejtesise Bujar Nishani fondet per kete agjenci do te rriteshin nderkohe qe vendimi i djeshem ka treguar krejtesisht te kunderten.
Kompensimi
Vendimi i djeshem i Keshillit te Ministrave mund ta ve ne pozita shume te veshtira AKKP-ne ne procesin qe sapo ka nisur per dhenien e kestit te pare per ish-pronaret. AKKP-ja ka njoftuar para pak kohesh se te gjitha subjektet e interesuara emrat e te cileve jane miratuar me vendim te Keshillit te Ministrave duhet te pergatitin dosjet per dorezimin e tyre prane zyrave te Agjencise. AKKP-ja ka ngritur grupin e punes i cili do te kryeje pranimin dhe regjistrimin e kerkesave te subjekteve te interesuara. Te gjitha subjektet e interesuara do te paraqiten ne Agjencine e Kthimit dhe Kompensimit te Pronave. Aplikuesit kane detyrimin te paguajne tarifen e sherbimit ne vleren prej 2 000 dy mije lekesh dhe gjithashtu te hapin ne emer dhe per llogari te tyre nje llogari bankare ne njeren nga bankat e nivelit te dyte. Subjektet perfituese kerkesa e te cileve nuk eshte pranuar per mungese dokumentacioni gjate procedurave te meparshme kane te drejte te riaplikojne. Keto subjekte nuk paguajne tarife sherbimi nese provojne pagimin e saj gjate aplikimit te meparshem.
Ndryshimet
Ndryshimet e bera ne Vendimin Nr. 383 date 19.5.2010 te Keshillit te Ministrave Per percaktimin e procedurave te shperndarjes se fondit te kompensimit ne vlere per pronaret e pasurive te paluajtshme prone private qe preken nga ndertimet informale bejne te mundur qe tashme te mos kete me kufizime 30-ditore per te paraqitur dokumentet. Pra hiqet periudha kohore per paraqitjen e kerkeses. Pika 2 e vendimit te qeverise sakteson se ne piken 3 fjalet ... dhe vazhdon per 30 tridhjete dite ... hiqen.
Dokumentacioni
Ja cfare duhet te permbaje dosja
Subjekti apo perfaqesuesi i tij me prokure duhet te paraqese prane AKKP-se Tirane dokumentacionin e meposhtem
1- Kerkesen tip qe i bashkelidhet VKM-se se mesiperme te plotesuar sipas rubrikave.
2- Deshmine e trashegimise per te gjithe trashegimtaret e ligjshem te subjektit perfitues sipas radhes se trashegimtareve ne perputhje me percaktimet e Kodit Civil. Per deshmite e trashegimive te leshuara nga gjykata per testamentin e bere me akt noterial te sillet certifikate familjare e personit per te cilin eshte leshuar kjo deshmi Ne rast se subjekti perfitues ka vdekur.
3- Prokuren e posacme te nenshkruar nga te gjithe subjektet qe perfitojne kompensim ku si tager i nevojshem te jete edhe e drejta per te terhequr vleren financiare ne emer te tyre. Ne rastet kur nuk eshte e mundur te dorezohet prokura e posacme secili bashkepronar apo nje pjese e tyre paraqesin kerkese individuale apo te perbashket per pjesen takuese ne pronen qe kompensohet. Ne rastin e kerkesave individuale te secilit bashkepronare apo te nje pjese te tyre per cdo aplikim te kryer paguhet tarife sherbimi pavaresisht se i perket te njejtes pasuri te paluajtshme
4- Vertetimin e leshuar nga banka e nivelit te dyte per hapjen e llogarise bankare dhe IBAN-in perkates
5- Fotokopjen e dokumentit te identifikimit si dhe certifikaten familjare te kerkuesit/aplikuesit
6- Mandat pagesen per shumen 2 000 dymije leke per cdo aplikim te vecante.
Bujar Nishani
Premtimi per me shume fonde per AKKP-ne
Ministri i Drejtesise Bujar Nishani gjate takimit me drejtues te AKKP-se pak kohe me pare konfirmoi se qeveria deri ne fund te vitit do te akordoje nje tjeter fond kompensimi per ish-pronaret. Procesi eshte duke ecur paralelisht. Pra vendimet e qeverise reflektojne vendimin e ALUIZNI-t per legalizimin e prones qe eshte ndertuar ne zone informale dhe njekohesisht ne po te njejtin vendim parashikohet vendimi per kompensimin financiar te pronarit qe shpronesohet nga legalizimi i kesaj prone. Kjo eshte ceshtja per te cilen ne diskutuam sot. Kjo eshte ceshtja per te cilen iu referova faktit qe qeveria pikerisht per kompensimin e ketyre rreth 350 subjekteve te identifikuara deri tani ka vene ne dispozicion nje fond prej 1.5 miliarde lekesh fond i cili do te shtohet besoj dhe me nje shume tjeter te konsiderueshme deri ne fund te vitit. Do te merren masa ligjore pra amendime dhe nderhyrje te mundshme ne legjislacion permenda dhe masat administrative qe kane te bejne pikerisht me krijimin e mekanizmave efektive te brendshme per trajtimin e ceshtjes se kthimit dhe kompensimit te pronave dhe natyrisht me masat buxhetore te cilat mbeshtesin ne fund te fundit te gjitha keto masa te mesiperme qe une permenda - tha Bujar Nishani.
Ministri i Drejtesise konfirmoi se aktualisht procesi po ecen paralelisht vendimet e qeverise per legalizimin e pronave informale po shoqerohen me vendimet per shperblimin e pronareve te shpronesuar ne keto siperfaqe. Ai garantoi kompensim financiar per te gjithe pronaret si dhe bashkepunimin me te gjitha institucionet shteterore te interesuara per administrimin e prones.
28 Tetor 2010