Vrasja e kryekomunarit ende asnje piste zyrtare
48 ore pas vrasjes asnje i arrestuar per ngjarjen qe tronditi opinionin publik
Kukes - Megjithese kane kaluar 48 ore nga ekzekutimi mafioz i kryetarit te komunes Terthore policia ende nuk ka nje autor te dyshuar per kete ngjarje. Provat e pakta te siguruara ne vendgjarje dhe mungesa e deshmitareve kane bere qe grupi i hetimit te jete ende larg autorit apo motiveve te vrasjes se Rasim Veselit ne pragun e shtepise se tij.
Por drejtori i Policise se qytetit te Kukesit deklaron per Shekullin se grupi i hetimit po vazhdon punen qe sipas tij eshte keqyrja e te gjitha te dhenave duke filluar qe nga konfliktet personale e deri tek konfliktet per shkak te detyres qe i ndjeri mund te kete shkaktuar per hir te funksionit te tij.
Ne nuk po perjashtojme asnje piste nga hetimi dhe po analizojme gjithcka qe ka te beje me aktivitetin e kryetarit te komunes dhe per zbardhjen e kesaj ngjarjeje po merren ekspertet me te mire te policise se shtetit. Por per efekt hetimi detajet e grumbulluara deri me tani nuk mund te behen publike-tha dje drejtori i policise se Kukesit Sadri Ramci.
Per kete arsye dje ne ambientet e policise se Kukesit ka vijuar shoqerimi i personave qe kane dijeni rreth aktivitetit te Rasim Veselit. Keshtu grupi hetimor ka mundur te hartoje itinerarin e levizjeve qe kryekomunari ka bere gjate dites se tij te fundit te jetes.
Krahas deshmive qe deri me tani nuk kane siguruar nje prove te forte per grupin e hetimit ekspertiza kriminalistike e gezhojave te plumbave te gjetura ne vendgjarje jane nje tjeter e dhene qe shpresohet te hedhe drite mbi ngjarjen. Kryetari i komunes Terthore Remzi Veseli u vra me tre plumba pistolete mbremjen e se henes rreth ores 2130 minuta ne hyrje te shtepise tij private ne lagjen nr.3 te qytetit te Kukesit.
E ndersa policia ende nuk ka nje version zyrtar per motivet e ngjarjes familjaret e viktimes jane shprehur se Remzi Veseli nuk kishte konflikte personale dhe se ekzekutimi i tij eshte bere per shkak te rikandidimit te tij per here te trete si drejtues vendor i komunes Terthore.