Qeveria e Kosovës hedh poshtë akuzat për UÇK

Prishtinë -Qeveria e Kosovës ka hedhur poshtë akuzat rreth një hetimi të bërë nga BBC-ja ku thuhet se Ushtria Çlirimtare e Kosovës gjoja ka rrëmbyer civilë të cilët më pas janë keqtrajtuar dhe në disa raste janë vrarë gjatë dhe pas luftës në Kosovë. Zëdhënësi i Qeverisë Memli Krasniqi tha se ky hulumtim i BBC është bazuar në të dhëna anonime dhe të pakonfirmuara ndërsa edhe disa gazetarë kanë rënë pre e propagandës serbe dhe pohimeve spekulative të ish kryeprokurores Karla Del Ponte.