Qeveria kosovare i vjen në ndihmë familjeve të viktimave

“Qeveria e Republikës së Kosovës do të vazhdojë të jetë e përkushtuar thellësisht që në bashkëpunim me institucionet përkatëse ndërkombëtare të marrë të gjitha masat e duhura që të gjenden shkaktarët e vërtetë të tragjedisë dhe ata të përgjigjen para drejtësisë”, thuhet në deklaratën e qeverisë.

Në komunikatë theksohet se qeveria se është gjithmonë në komunikim të vazhdueshëm me institucionet ndërkombëtare për zbardhjen e fatit të personave që nuk janë gjendur ende.