Qeveria miraton rritjen e nivelit të bazës të së ardhurës nga papunësia

Këshilli i Ministrave vendosi sot rritjen me 14.2 për qind të nivelit të bazës të së ardhurës nga papunësia.

Duke e konsideruar vendimin një tjetër premtim të përmbushur nga qeveria, Kryeministri Berisha tha se kjo rritje që i bëhet nivelit të bazës së të ardhurës nga papunësia është pozitive dhe diktohet nga rritja e vendit në tërësi.  

“Ne, - u shpreh Kryeministri - i qëndrojmë premtimeve tona. Kjo rritje është shumë pozitive dhe e domosdoshme. Ajo është e ndjeshme dhe diktohet nga rritja e vendit në tërësi.”

Kryeministri kërkoi që, krahas saj, të shpejtohen skemat në mënyrë që këto pagesa të bëhen kundrejt punëve të caktuara dhe më pas, me shpërblime shtesë.