Qeveria, rrit fondin ne 28 milione leke per te demtuarit ne Gerdec
Fatjona Mejdini
Qeveria rriti dje fondin prej 20 milione lekesh te akorduar per familjet e Gerdecit te prekura nga shperthimi i 15 marsit. Keshtu Keshilli i Ministrave vendosi te rris edhe me 8 milione kete fond, qe do te ndahet mes familjeve te cilet mbeten pa banesa nga shperthimi i fuqishem i fabrikes se demontimit te armeve.
Ky fond prej 8 milionesh i shtohet fondit te pergjithshem te akorduar nga buxheti i shtetit per kete tragjedi. Nga shuma e pergjithshme prej afersisht 1,6 miliarde lekesh qe do te shkoj per familjet qe preku tragjedia e Gerdecit, nje pjese e kesaj shume do te hiqet nga dhurimet e derdhura ne llogarite bankare per kete tragjedi. Keshtu, sipas vendimeve te qeverise, 150 milione leke nga kjo shume do te perdoren nga dhurimet qe subjekte te ndryshme kane depozituar ne numrat e llogarise te hapura nga qeveria per kete ceshtje. 800 milione leke per te demshperblyer banoret do te perdoren nga fondi rezerve i Keshillit te Ministrave. Po keshtu eshte parashikuar qe pjesa tjeter prej 622 milione lekesh te merret nga fondi i kontigjences i buxhetit te shtetit.
Ky fond per demshperblim erdhi pas shqyrtimit te mbi 4200 banesa ne fshatin Gerdec dhe ne disa fshatra te tjera, te cilat ndodheshin ne afersi te fabrikes se demontimit te armeve qe me 15 mars pesoi nje shperthim te fuqishem. Kreu i qeverise premtoi se firmat e ndertimit, qe do te merreshin me ndertimin e shtepive dhe bizneseve ne zone, nuk do te paguanin asnje takse ne lidhje me keto punime. "Firmat e ndertimit qe do te ndertojne zonen do te perjashtohen nga taksat e detyrueshme ne keto raste", theksoi Berisha. Ne mbledhjen e qeverise, Kryeministri u beri thirrje firmave te ndertimit te tregoheshin sa me te shpejta ne rindertimin e banesave ne zone. Kryeministri sugjeroi qe ato te punonin kryesisht ne fundjave ne zone, duke alternuar keshtu rindertimin e zones me punet e tjera. Por Berisha kerkoi shpejtesi ne kete proces, duke theksuar se brenda nje kohe te shkurter zona duhej te kthehej si me pare. Nderkohe qe eshte vendosur qe per kedo qe do te kete pretendimin edhe me te vogel, do te riverifikohen me pergjegjesi te plote gjithcka ne terren, per te shmangur te gjitha abuzimet e mundshme ne lidhje me shperndarjen e fondeve dhe te ndihmave.