Te burgosurit e Burrelit sharruan edhe dyert

Dyert e qelive te burgut te Burrelit jane gjetur te sharruara nga te burgosurit. Inspektoret e Ministrise se Drejtesise kane vene re, gjate kontrollit se menteshat e tyre ishin bere gati vetem per rrezim. Lajmi eshte bere i ditur nga inspektore te Ministrise se Drejtesise, te cilet kane shkuar ne kete institucion riedukimi pas arratisjes se dy te burgosurve dhe tentatives se 70 te tjereve, qe, sipas te dhenave te bera te ditura nga ky institucion, kishin prere hekurat e dritareve te qelive te tyre. Por, gjate kontrolleve jane zbuluar te pakten dhe 3 menteshat e dyerve te prera, te cilat ishin maskuar mire, per te mos u vene re nga gardianet dhe kontrollet e ndryshme. "Ato ishin bere gati te binin menjehere, pasi do te vendosej qe te arratiseshin", thane dje burimet nga ekspertet qe kane shkuar dhe kane kryer inspektime ne kete burg. Pas arratisjes dhe kapjes se dy te burgosurve diten e shtune, prokuroria e Matit ne hetimin e saj, zbuloi se kishte nje plan per arratisjen e mbi 70 te burgosurve, qe dihej nga drejtuesit, por qe nuk ishte bere i ditur ne raporte. Kjo ka bere qe ne kete burg, te mberrijne drejtuesit me te larte te Drejtorise se Pergjithshme te Burgjeve, te cilet kane kryer takime me te denuarit, nderkohe qe inspektoret kane bere kontrolle ne qelite e te denuarve. Ne tre qeli, ata kane pare se dhe menteshat e dyerve te hekurta ishin sharruar, por ishin puthitur ne menyre qe te mos viheshin re nga gardianet. Kjo ka bere qe, ata te kontrollonin te gjitha dyert e tjera, por nuk ka rezultuar qe te kishte mentesha te tjera te prera qe me pas te hapeshin shume kollaj. Ne Burgun e Burrelit ka mberritur dhe drejtori i Pergjithshem, Gazmend Dibra, i cili ka zhvilluar takime me te denuarit, duke kerkuar te dinte per problemet e tyre. Nepermjet nje deklarate per shtyp, Drejtoria e Pergjithshme te Burgjeve njoftoi marrjen e masave administrative dhe lenie dore prokurorise per hetimin.

A.C

Inspektoret, ne kerkim te sharres se dyte

Inspektoret e Ministrise se Drejtesise dhe gardianet e Burgut te sigurise se larte ne Burrel jane vene ne kerkim te sharres se diamantit ende te pagjetur qe eshte perdorur per prerjen e hekurave te dritareve dhe te dyerve. Nje prej fleteve te diamantit eshte sekuestruar nga grupi hetimor, se bashku me dy pistoletat tip "TT", ndersa nuk jepen hollesi ne zonen e kujt te burgosuri VIP u konstatuan. Mesohet se per te siguruar sharren jane paguar deri ne 5 mije euro, nderkohe qe ende nuk eshte zbuluar nje nga sharrat e perdorura ne sektorin D te Burgut te Burrelit. Arratisjen e realizuan dy prej te denuarve me burgim te perjetshem, Fran Marashi e Preng Lleshi, qe u kapen pas nje ndjekjeje prej dy oresh nga policia e forcat speciale, jo shume larg zones se burgut. Nga kontrolli kane rezultuar te prera hekurat e pese qelive, magazines se ushqimeve nga u realizua arratisja dhe tre dyerve.