Qeveria shtyhet kontrata per helikopteret
TIRAN- Qeveria shtyn me nje vit afatin e permbylljes se kontrates me kompanine franceze Eurocopter per blerjen e 5 helikoptereve. Vendimi per ndryshimin e kontrates u mor dje gjate mbledhjes se qeverise. Sipas tij pagesa perfundimtare dhe rrjedhimisht edhe marrja ne dorezim e helikoptereve nuk do te behet pergjate vitit 2013 por ne vitin 2014.
Qeveria shqiptare ka nenshkruar nje marreveshjen me kompanine franceze per blerjen e pese helikoptereve te tipit AS 532 AL version i helikoptereve Super Puma. Kontrata ka nje vlere 78.6 milione euro ndersa qeveria shqiptare ka marre persiper shlyerjen e saj me keste. Helikopteri mund te perdoren si per misione civile ashtu edhe per ato ushtarake.
Tipi AS 532 AL eshte nje version me i zgjeruar i familjes se njohur te helikoptereve Franceze Super Puma. Krahas detyrave ushtarake ky tip helikopteri permbush edhe misione shpetimi. Ka nje ekuipazh prej dy vetash dhe krahas armatimeve te vendosura ne te ne misione ushtarake ai mund te transportoje deri 25 ushtare. Ndersa ne kushtet e nje misioni shpetimi ne helikopter mund te vendosen deri ne gjashte shtreter si dhe 10 pasagjere te tjere.
Pesha maksimale qe mund te transportoje eshte 4.5 ton. Per sa i perket armatimit zakonisht helikopteri mban nje top 20 mm raketahedhes 68 mm si dhe mitraloze ne dyert anesore.