Qeveria vijon mbështetjen për banorët e zonave të bllokuara nga dëbora

Ndihma në ushqime janë shpërndarë dhe sot për banorët e zonave të bllokuara nga dëbora, pohoi, drejtori i Përgjithshëm i Emergjencave Civile në Ministrinë e Brendëshme, Alfred Olli. Ai tha se, 3 helikopterë të Rendit dhe të Mbrojtjes kanë vijuar sot shpërndarjen e ndihmave në komunën Qarishtë të Librazhdit si dhe në disa komuna të tjera të këtij rrethi. Por sipas Ollit, fadromat e Ushtrisë  po punojnë edhe sot për ç’bllokimin e rrugëve  në akset Kukës- Bushtricë,  Qafën e Buallit, në 2 komuna të Kukësit si  dhe 3 komuna të Dibrës, aktualisht të bllokuara nga rreshjet e dëborës së rëna gjatë këtyre ditëve.