Qiriu djeg banesen rrezikohet jeta e te moshuarit Gjini

Mengjesin e djeshem rreth ores 0645 minuta ne policine e Gjirokastres ka ardhur nje telefonate se ne lagjen 18 Shtatori afer supermarketit Stroka ka rene zjarr ne katin e pare te nje pallati. Menjehere eshte njoftuar reparti zjarrfikes urgjenca e spitalit dhe ne drejtim te vendngjarjes eshte nisur menjehere patrulla e pergjithshme e policise ku ka rezultuar se ne katin e pare te nje pallati ne banesen e 86-vjecarit Niko Gjini kishin marre flake nje dhome dhe kuzhina e gatimit. I zoti i baneses Niko Gjini i cili banonte i vetem ne kete banese ka mundur te dale jashte pa demtime djegie por i asfiksuar nga tymi dhe menjehere eshte transportuar per ne spitalin e Gjirokastres dhe eshte jashte rrezikut per jeten e pa asnje plage djegieje. Ne vendngjarje ka mberritur menjehere edhe reparti zjarrfikes ku me nderhyrjen e menjehershme te tyre u be e mundur venia nen kontroll e zjarrit dhe pas 40 minutash ai u shua plotesisht. Si pasoje e zjarrit pati vetem deme materiale salloni dhe kuzhina e gatimit u dogjen plotesisht ndersa dhoma e gjumit nuk u perfshi nga zjarri. Grupi hetimor nga veprimet e para te kryera ne vendngjarje ka konstatuar se shkaku i zjarrit ishte nje qiri i lene ndezur gjate nates nga i zoti i baneses. Grupi hetimor po vazhdon ende veprimet per te zbardhur plotesisht kete ngjarje. Materialet do ti kalojne Prokurorise se Rrethit Gjyqesor Gjirokaster per veprime te metejshme.