Qytetaret kursejne me shume e blejne me pak se me pare Eglantina Nasi
Qytetaret shqiptare, po shfaqin nje prirje te dukshme per kursim gjate koheve te fundit. Kjo, permes blerjeve me te pakesuara ne shuma te medha, apo edhe kerkeses me te ulet per kredi, ndaj nje blerje banese apo likuiditeti financiar. Dukuri qe shfaqet konkretisht permes te dhenave te referuara nga vrojtimet e fundit te Bankes se Shqiperise, sipas te cilave, ne muajt e fundit, vihet re nje balance ende ne nivele te uleta kursim-shpenzim, saktesisht ne -46.3% per tremujorin e trete te ketij viti. Ne nje kohe, kur ky tregues ka qene me i ulet gjate tremujoreve pararendes, perkatesisht -45.8% dhe -43.9%. Cka flet qarte per nje norme te shtuar te kursimeve, kundrejt shpenzimeve te kryera nga qytetaret. "Tendenca e shtuar e konsumatoreve per kursim eshte shoqeruar me perkeqesimin e pritjeve per situaten ekonomike ne te ardhmen", - citohet saktesisht nga ekspertet e BSH-se ne raportin e fundit te tyre. Ndersa referuar zerit "blerje te medha", BSH-ja jep shifren prej -48.2% gjate tremujorit te trete te ketij viti, krahasuar me -49.3% qe ka qene ne periudhen pararendese, per te treguar kesisoj nje renie te saj. Fakt ky qe tregon se ne realitet, qytetaret duken me te stepur per te kryer blerje ne shuma te medha, krahasuar me me pare. Nga ana tjeter, dukurine e shtimit te prirjes per kursim, e konfirmojne edhe shifrat e shtuara te depozitave prej qytetareve shqiptare, se fundmi, prane bankave te nivelit te dyte ne vend. Keshtu, te dhenat tregojne se ne fund te 8-mujorit 2012, rritja e depozitave bankare arriti vleren e 930 miliarde lekeve. Ku vetem gjate muajit gusht, depozitat shenuan nje rritje rekord prej 17 miliarde lekesh, me e larta e arritur gjate ketij viti. Ndersa me baze vjetore, ekspertet pohoje, se rritja e depozitave arriti ne nivelin prej 10%. Duke folur qarte per nje prirje te shqiptareve, per te kursyer para dhe jo per t'i shpenzuar ato. Para' keto, te cilat ne fakt mbeten te arkivuara, dhe nuk vihen ne qarkullim per t'i sherbyer ne kete menyre direkt ekonomise. E per ta kompletuar listen e treguesve qe shfaqin prirjen e shtuar per kursim, permendim edhe ate te renies se kerkeses per kredi te qytetareve. "Kerkesa e individeve per kredi ka vijuar te jete negative ne tremujorin e trete te vitit 2012, dhe ne nje mase me te ulet se ne tremujorin e kaluar, duke rezultuar 4.0%, nga 11.3% nje tremujor me pare", - citohet ne vrojtimin perkates te BSH-se per aktivitetin kreditues. Duke argumentuar me tej lidhur me kete dukuri te shfaqur, se "renia e kerkeses ne total eshte ndikuar nga renia e kerkeses per blerje banese (ku balanca perkatese u perkeqesua me 7.9 pike perqindjeje)". Cka tregon ne praktike, se qytetaret po tregohen me te kujdesshem per te marre vendime te tilla madhore, si ajo e blerjes se nje banese, per financat e tyre. Ne shifra konkrete, sipas Bankes se Shqiperise, kerkesa e qytetareve per kredi prane bankave me qellimin e blerjes se nje banese, ka pesuar nje renie prej -14% gjate tremujorit te trete te ketij viti, nga vetem -6.1% qe kjo norme rezultonte te ishte tremujorin e meparshem.