Rama: Amnistia nuk u be per biznesin Qamil Xhani
Kryetari i Partise Socialiste, Edi Rama, ka reaguar dje ne lidhje me deklaratat e ministrit te Financave, Ritvan Bode, per amnistine fiskale dhe situaten ekonomike ne vend. Me ane te rrjetit social "Twitter", Rama thekson se amnistia nuk ishte per qytetaret, por per biznesin, duke e cilesuar si te deshtuar kete nisme te qeverise. "Amnistia fiskale deshtoi sepse nuk u be per biznesin shqiptar, po per bizneset e pushtetit", shprehet kreu i selise roze ne komentin e tij ne rrjetin social. Nga ana tjeter, ai thekson se programi i selise do te sjelle garanci per sipermarrjen. "Vetem programi yne e garanton sipermarrjen", shprehet kreu i selise roze. Ne seancen e fundit te Kuvendit, Partia Socialiste propozoi nje sere nismash komike dhe fiskale per buxhetin e vitit 2012, te cilat jane pjese te programit te selise roze. Programi i prezantuar nga PS-ja, permban ne pjesen kryesore per ekonomine ceshtje qe lidhen me uljen e taksave per qytetaret dhe mbajtjen e tyre ne nivel te larte. Programi i selise roze ka per baze "nje politike te re fiskale ne funksion te zhvillimit ekonomik dhe social dhe ulje te kostos se jeteses per 95% te shqiptareve, duke hequr barren e takses se sheshte dhe duke vendosur drejtesi sociale permes tatimit progresiv". Po ashtu, programi i selise roze i kushton nje vemendje te vecante uljes se papunesise. Drejtuesit e PS-se kane deklaruar se do te hapen 300 mije vende pune, shifer kjo qe ka sjelle reagime skeptike edhe per nga vete radhet e socialisteve. Nje tjeter element, lidhet me uljen e Tatimit mbi Vleren e Shtuar. Selia roze ka kerkuar heqjen e ketij tatimi per ushqimet baze, si dhe uljen e tij per nje sere produktesh te tjera. Nga ana tjeter, ekspertet e ekonomise se PS-se jane shprehur dhe per heqje te monopoleve, qe sipas tyre, ekzistojne ne ekonomine e vendit. "Programi i PS-se synon uljen e TVSH-se per produktet ushqimore baze, duke filluar nga zerimi i TVSH-se per buken, vezet, qumeshtin dhe ilacet. Sipermarrje te suksesshme shqiptare te bazuar ne rikthimin e lirise per konkurrencen dhe jo ne borxhe. Cmontim te monopolit dhe kartelit te grurit, sheqerit, orizit, vajit, barnave dhe karburanteve", thuhet ne dokumentin fillestar te programit te Partise Socialiste, i cili u prezantua me daten 5 nentor ne kongresin e selise roze.