Rama: Berisha genjen per TVSH

Kryetari i Partise Socialiste, Edi Rama, ka reaguar dje, menjehere pas deklarates se bere nga kryeministri Sali Berisha, ne Berat, se qeveria nuk do te heqe TVSH-ne per prodhimet bujqesore. Komenti i Rames eshte bere ne rrjetin social Twitter, ku ne bashkebisedim me miqte e tij online, kryetari i PS-se shprehet se kryeministri genjen. "Jo Sali, ti genjen! Do te heqim taksen e bukes, qumeshtit, vezeve, ilaceve, jo TVSH-ne e produkteve te tokes ne fshat. Fshatit do t`i heqim TVSH-ne e prodhimeve bujqesore, sepse fshati po mbytet dhe s`e shpetojne dot shiritat e perurimeve",- ka deklaruar kryetari i PS. Kjo deklarate e Rames, vjen ne perseritje te qendrimeve te meparshme te opozites, e cila ne daljet e saj publike i ka kerkuar qeverise qe te perjashtoje nga taksa e TVSH-se produktet ushqimore. Sipas selise roze, TVSH-ja per miellin, buken, vezen, qumeshtin, duhet te jete zero. Per kete, grupi parlamentar i PS-se, ka derguar ne Kuvend draftin TVSH-se, ku theksohet gjithashtu, se edhe ilacet duhet te perjashtohen nga taksa e TVSH-se. Pak kohe me pare, deputetja e PS-se, Mimi Kodheli, ka deklaruar se do te kerkoje zyrtarisht ne Kuvend heqjen e taksave per disa nga produktet me jetike dhe pergjysmimin e tyre per mallrat e tjere ushqimore, si edhe per ilacet. Por, pavaresisht qendrimit te opozites, kryeministri ka deklaruar dje, ne Berat, se qeveria nuk do ta heqe TVSH-ne ne prodhimet bujqesore. Ne lidhje me viziten e kryeministrit ne Berat, ka reaguar dje edhe deputeti socialit i ketij qarku, Erjon Brace. Sipas deputetit socialist: "Berisha po vazhdon turin e tij demagogjik", se eshte "nje politikan qe i ka dale boja" dhe po peruron rruge qe jane peruruar me pare. "Rruga e Sinjes eshte peruruar dy here me pare. Rruga e Lapardhase eshte peruruar 3 here",- tha Brace, duke shtuar: "Berisha po mban peng ujesjellesin e Lapardhase".