Rama: Kriminaliteti, në rritje. Imuniteti, pengesë.

Kryeprokurorja Ina Rama

TIRANE- Prokurorja e Përgjithshme, Ina Rama ka deklaruar sot se koeficienti i kriminalitetit gjate vitit te shkuar ka shenuar rritje.

Deklarata eshte bere gjate raportimit te saj ne Komisionin e Ligjeve lidhur me gjendjen e kriminalitetit në Shqipëri për vitin 2011.

Sipas kryeprokurores është rritur numri i çështjeve të dërguara për gjykim ndërsa është ulur numri i çështjeve të pushuara.

Ajo ka nxjerre si shqetesim serioz ne punen e prokurorise imunitetin e zyrtareve te larte, duke u bere pengese per vijimin e hetimeve. “Na ka penguar imuniteti per te hetuar zyrtaret”- ka thene ajo, duke shtuar se heqja e tij do te ishte lehtesim ne kete proces.

Deputeti  Sula e ka vleresuar shqetesues numrin e ceshtjeve te pezulluara, duke kerkuar informacion per kete gje. “Kjo eshte puna e policise. Dosja pasi pezullohet i kalon policise per te mbledhur prova”- ka thene Rama.

Krimi kryesor në vend vazhdon të mbetet vjedhja, që është rritur në nivele të frikshme. Sipas Rames  se 41 për qind të veprave kriminale i përkasin pikërisht vjedhjes.

Ajo ka komentuar edhe raportin e Ministrisë së Drejtësisë për inspektimet në organin e akuzës, duke deklaruar se kontrollet shpesh janë kryer jashtë tagrit të Ministrisë së Drejtësisë. Sipas saj qëndrimet janë shpesh hipotetike dhe imagjinare.

Kreu i organit qendror të akuzës është në fund të mandatit të saj pesëvjeçar në krye të Prokurorisë së Përgjithshme, mandat që përfundon në fund të nëntorit.