Rama: Nano duhet te jete kandidat i PS

Levizja Socialiste per Integrim sugjeron qe Partia Socialiste te mbeshtese ish-kryetarin e saj, Fatos Nano, ne garen per postin e Presidentit. Sekretari i Pergjithshem i LSI-se, Luan Rama, u shpreh dje gjate nje takimi me strukturat e partise ne Shkoder, se procesi i zgjedhjes se kreut te shtetit eshte nje prove e maturise politike. Sipas tij, forca kryesore duhet te mundesojne nje proces qe te jete i denje per festen e 100-vjetorit te Pavaresise se Shqiperise. "Fatos Nano duhet te jete kandidat i Partise Socialiste per President te Republikes. Zgjedhja e Presidentit nuk eshte nje sfide e njerit kryetar kunder kryetarit tjeter dhe as sfide e njeres parti kunder partise tjeter se kush do ta marre postin e Kryetarit te Shtetit", - tha dje Luan Rama. Sekretari i Pergjithshem i LSI-se u shpreh se palet politike duhet te ngrihen mbi interesat e nje grupi te caktuat, me qellim realizimin e nje procesi me standarde. "Kjo eshte sfide e politikes shqiptare per te deshmuar pergjegjshmeri dhe pjekuri politike ne perputhje me interesat europiane te vendit, per te deshmuar ne 100-vjetorin e Pavaresise qe jemi europiane dhe qe dime te ngrihemi mbi interesat parciale apo te grupit", - u shpreh per mediat Luan Rama. Ne takimin e zhvilluar me Komitetin Drejtues te LSI-se ne Shkoder, Rama ka folur per riorganizimin e strukturave dhe permbushjen e programit te kesaj force politike. Ai eshte ndalur dhe ne reformen zgjedhore, duke theksuar se barazia e votes eshte nje nga kriteret kryesore qe duhet te permbushe kjo reforme. "LSI do te vazhdoje te insistoje qe ne kete proces te respektohet parimi themelor dhe kushtetues i barazise se votes per te gjithe qytetaret shqiptare kudo qe ata e hedhin kete vote ne te gjithe Shqiperise", - u shpreh dje Luan Rama.