Rama: Urojmë që Kolegji zgjedhor të mos sillet si KQZ-ja
Deklaratë e kreut socialist pas “dyllosjes” së procesit nga ana e KQZ-së
Kryetari socialist Edi Rama ka kërkuar dje publikisht, që Kolegji Zgjedhor të veprojë me profesionalizëm dhe jo me urdhra politikë si në rastin e Komisionit Qendror të Zgjedhjeve. “Urojmë që Kolegji Zgjedhor të mos sillet si KQZ-ja me ligjin e me të drejtën tonë për të kërkuar zbatimin e tij, ashtu sikundër i siguroj të gjithë votuesit e mbështetësit tanë se ne nuk do të tërhiqemi asnjë milimetër në këtë përpjekje që s’ka të bëjë thjesht me fatin e një beteje elektorale, po me fatin e demokracisë në Shqipëri dhe me domosdoshmërinë për të mos lejuar që zgjedhjet në këtë vend të bëhen një skemë e mbyllur ku fiton gjithnjë pushteti pavarësisht si voton qytetari”, deklaroi dje Rama. Sipas Ramës për të gjithë shqiptarët është tashmë e qartë se në Shqipëri po vazhdon maskarada e shkeljes së standardeve dhe lirisë themelore për të lexuar në mënyrë korrekte votën e shqiptarëve. “Vazhdon maskarada e KQZ-së, vazhdon pengmarrja e zgjedhjeve, vazhdon farsa e kryeministrit në detyrë që bën sikur ecën pa paterica, që rrit taksa e inauguron rrugë të pambuluara me financime duke thelluar gropën e buxhetit të shtetit, ndërkohë që kriza ekonomike po troket fort në derë dhe gjendja e demokracisë në Shqipëri është përditë e më dramatike”, - deklaroi dje Rama.
Deklarata
Për numrin një të selisë rozë beteja për respektimin e të gjitha të drejtave demokratike qe PS-ja ka për të lexuar votën e shqiptarëve do të vazhdojë pa asnjë dilemë. “Angazhimi ynë për të konsumuar deri në fund hallkat ligjore të një procesi tërësisht të degjeneruar është i plotë dhe pavarësisht abuzimit të skajshëm të KQZ-së me ligjin zgjedhor e me të drejtën tonë të padiskutueshme për hapjen e kutive në Berat, Tiranë e Shkodër, ne nuk kemi ndërmend të tërhiqemi asnjë milimetër nga detyrimi ynë për ta zbardhur krimin elektoral të 28 qershorit”, - tha kreu socialist. Socialistët janë të vendosur për të fituar edhe një mandat, ndonëse beteja e tyre kërkon rinumërimin e votave edhe për disa qendra të Tiranës edhe Shkodrës. Në Berat, PS-ja pretendon se rinumërimi i kërkuar do i dhurojë një mandat më tepër dhe pikërisht për këtë arsye këmbëngulja e selisë rozë ka qenë më e madhe dhe kategorike në KQZ për kutitë e këtij qarku. Në lidhje me Beratin socialistët kundërshtonin vendimin e KZAZ-së 1, 2 dhe 3 të këtij qarku, për miratimin e tabelave të rezultateve. Në Berat beteja e socialistëve ka qenë me kryetarët e KZAZ-ve, të cilët, sipas socialistëve, i kanë pasqyruar keq rezultatet në tabelat përmbledhëse ose në disa raste kanë shpallur qëllimisht me qindra vota të pavlefshme. Një tjetër kërkesë e socialistëve është bërë edhe për qarkun e Tiranës, ku socialistët kanë pretendime për manipulime masive të ndodhura në zonën e Paskuqanit dhe atë të Kamzës, që përfaqësohen përkatësisht nga KZAZ-të Nr. 58 dhe Nr. 56. Gjithashtu PS-ja ka paraqitur pranë KQZ-së një kërkesë të gjatë edhe për qarkun e Shkodrës, duke kontestuar rezultatet e KZAZ-ve 40, 41, 42, 43 dhe 44 dhe më pas rivlerësimin dhe rinumërimin e votave.
Raporti
Duket se pretendimet e socialistëve i ka mbështetur dhe raporti paraprak i ODIHR-it. Në raportin paraprak, vëzhguesit ndërkombëtarë kanë vlerësuar se megjithëse secili grup i numërimit të votave duhej të numëronte pesë deri në dhjetë kuti votimi para se të ndërrohej, në realitet GNV-të shpesh nuk zëvendësoheshin, çka shkaktonte edhe më shumë vështirësi për anëtarët e GNV-ve. Vëzhguesit e vlerësuan marrjen në dorëzim të materialeve zgjedhore si shumë të mirë ose të mirë në 90% të VNV-ve. Megjithatë, ata vunë re se procesi ishte i ngadaltë në disa VNV, sidomos në qytetet e mëdha. Vëzhguesit ndoqën numërimin e votave në të 66-të VNV-të, duke filluar nga mbrëmja e 28 qershorit dhe në pothuajse të gjitha VNV-të deri në përfundimin e tij. Sipas raporteve të tyre, respektimi i procedurave të numërimit ishte i dobët në nëntë VNV. Veprimtari e keqe ose shumë e keqe e KZAZ-ve u raportua nga 11 VNV. Vëzhguesit e raportuan se në 62 VNV, ose në 94% të rasteve, një ose më shumë GNV patën vështirësi në plotësimin e tabelave të rezultateve të qendrës së votimit. Numërimi i votave pati një fillim të ngadaltë, pjesërisht për shkak të faktit se shumë nga anëtarët e grupeve të numërimit u caktuan vonë dhe nuk ishin trajnuar siç duhet. ODIHR-i ka konstatuar se kur rezultatet e pjesshme paraprake tregonin se diferencat ishin të vogla, partitë politike filluan të ndërhynin më shumë në procesin e numërimit. Procesi i numërimit të kutive ka qenë shumë problematik, fakt ky që u pasqyrua edhe në raportin paraprak të ODIHR-it.
BOX
Kutitë e kontestuara, PS-ja shpresë për të balancuar mandatet
Rinumërimi i të gjitha kutive ku socialistët pretendojnë shkelje të procesit mund të kthejë në mënyrë të rrufeshme balancat e peshores elektorale. Sot, pas rezultateve finale për kutitë e rinumëruara të Fierit, flitet për një raport mandatesh ku 70 vota i ka koalicioni i kryesuar nga PD-ja, 66 ai i kryesuar nga PS-ja dhe 4 mandate i ka koalicioni i kryesuar nga LSI-ja. Nëse për një moment do të supozonim se KQZ-ja (apo Kolegji Zgjedhor në finale) do të jepnin dritën jeshile për rinumërimet e pretenduara socialiste (në Berat, Tiranë e Shkodër) dhe nëse nga këto tri qarqe PS-ja do të siguronte dhe një mandat (si pasojë e rinumërimit në Berat), atëherë do të kishim një diferencë 67-69 mes koalicioneve të PD-së dhe PS-së, duke vazhduar ta mbajnë LSI-në në pozitat e “kingmaker”-it, por duke i rrëzuar asaj alibinë për “shpalljen e marrëveshjes në parim me koalicionin fitues të PD-së”. Socialistët prandaj po luftojnë “me mish e me shpirt” për të zbardhur të vërtetën e kontestimeve në këto qarqe dhe në zona të caktuara, pasi në rast se dyshimet e tyre vërtetohen, kjo do të thotë automatikisht se PS-ja nuk është humbëse e këtyre zgjedhjeve, duke djegur kështu të gjitha argumentet matematikore të PD-LSI-së. Është pikërisht kjo fije e hollë “ekuilibri” që i bën dhe demokratët në pushtet shumë të “ndjeshëm” nga fati administrativ i këtyre kutive ku socialistët kanë pretendime, pasi mund të jenë pikërisht këto kuti ato që mund “të hedhin në erë” festimet e deritanishme të demokratëve.
PD: Akuzat e Ramës, alibia e një humbësi në panik
Menjëherë pas deklaratës publike të kreut të PS-së Edi Rama, Partia Demokratike nëpërmjet zëdhënëses Erla Mëhilli i ka cilësuar qëndrimet e Ramës si alibi për të fshehur përgjegjësitë e tij direkte në humbjen e zgjedhjeve nga ana e PS_së. “Sot Edi Rama, për të maskuar humbjen e tij sërish bëri fjalë për krim elektoral por kësaj rradhe hoqi cdo maskë dhe shpalli kriminelë elektoral komisionerët socialistë, të cilët në përputhje të plotë me ligjin dhe me ndjenjën e përgjegjësisë qytetare së bashku me komisionerët e forcave të tjera politike i gargantuan vendit procesin zgjedhor me integritetin më të lartë në gjithë historinë e tij”, - deklaroi zëdhënësja e PD-së.
Sipas demokratëve Rama po përdor dhe kryqëzon edhe komisionerët e partisë së vetë, vetëm e vetëm që të heqë përgjegjësitë e tij nga humbja. “Partia Demokratike duke shprehur respektin e thelle për komisionerët e të gjitha forcave politike për punën dhe përkushtimin e tyre, denoncon edhe një herë qëndrimin e Edi Ramës, të motivuar totalisht nga përgjegjësia që ka për humbjen e zgjedhjeve dhe rënia në pakicë në Tiranë dhe një sërë qytetesh të vendit në nivel lokal”, - tha Mëhilli. Demokratët i kanë bërë thirrje dje Ramës të përballet me elektoratin e vetë për të marrë përgjegjësitë e rezultatit. “Z.Rama, Partia Demokratike të ftoi të përballeshe me shqiptarët dhe ti u fshehe pas karriges së bashkisë. Ti humbe Z.Rama. Tani mos u fshih mbas alibive të kota të një humbësi në panik por përballu me socialistët”, deklaroi dje Mëhilli
18 Korrik 2009
Kryetari socialist Edi Rama ka kërkuar dje publikisht, që Kolegji Zgjedhor të veprojë me profesionalizëm dhe jo me urdhra politikë si në rastin e Komisionit Qendror të Zgjedhjeve. “Urojmë që Kolegji Zgjedhor të mos sillet si KQZ-ja me ligjin e me të drejtën tonë për të kërkuar zbatimin e tij, ashtu sikundër i siguroj të gjithë votuesit e mbështetësit tanë se ne nuk do të tërhiqemi asnjë milimetër në këtë përpjekje që s’ka të bëjë thjesht me fatin e një beteje elektorale, po me fatin e demokracisë në Shqipëri dhe me domosdoshmërinë për të mos lejuar që zgjedhjet në këtë vend të bëhen një skemë e mbyllur ku fiton gjithnjë pushteti pavarësisht si voton qytetari”, deklaroi dje Rama. Sipas Ramës për të gjithë shqiptarët është tashmë e qartë se në Shqipëri po vazhdon maskarada e shkeljes së standardeve dhe lirisë themelore për të lexuar në mënyrë korrekte votën e shqiptarëve. “Vazhdon maskarada e KQZ-së, vazhdon pengmarrja e zgjedhjeve, vazhdon farsa e kryeministrit në detyrë që bën sikur ecën pa paterica, që rrit taksa e inauguron rrugë të pambuluara me financime duke thelluar gropën e buxhetit të shtetit, ndërkohë që kriza ekonomike po troket fort në derë dhe gjendja e demokracisë në Shqipëri është përditë e më dramatike”, - deklaroi dje Rama.
Deklarata
Për numrin një të selisë rozë beteja për respektimin e të gjitha të drejtave demokratike qe PS-ja ka për të lexuar votën e shqiptarëve do të vazhdojë pa asnjë dilemë. “Angazhimi ynë për të konsumuar deri në fund hallkat ligjore të një procesi tërësisht të degjeneruar është i plotë dhe pavarësisht abuzimit të skajshëm të KQZ-së me ligjin zgjedhor e me të drejtën tonë të padiskutueshme për hapjen e kutive në Berat, Tiranë e Shkodër, ne nuk kemi ndërmend të tërhiqemi asnjë milimetër nga detyrimi ynë për ta zbardhur krimin elektoral të 28 qershorit”, - tha kreu socialist. Socialistët janë të vendosur për të fituar edhe një mandat, ndonëse beteja e tyre kërkon rinumërimin e votave edhe për disa qendra të Tiranës edhe Shkodrës. Në Berat, PS-ja pretendon se rinumërimi i kërkuar do i dhurojë një mandat më tepër dhe pikërisht për këtë arsye këmbëngulja e selisë rozë ka qenë më e madhe dhe kategorike në KQZ për kutitë e këtij qarku. Në lidhje me Beratin socialistët kundërshtonin vendimin e KZAZ-së 1, 2 dhe 3 të këtij qarku, për miratimin e tabelave të rezultateve. Në Berat beteja e socialistëve ka qenë me kryetarët e KZAZ-ve, të cilët, sipas socialistëve, i kanë pasqyruar keq rezultatet në tabelat përmbledhëse ose në disa raste kanë shpallur qëllimisht me qindra vota të pavlefshme. Një tjetër kërkesë e socialistëve është bërë edhe për qarkun e Tiranës, ku socialistët kanë pretendime për manipulime masive të ndodhura në zonën e Paskuqanit dhe atë të Kamzës, që përfaqësohen përkatësisht nga KZAZ-të Nr. 58 dhe Nr. 56. Gjithashtu PS-ja ka paraqitur pranë KQZ-së një kërkesë të gjatë edhe për qarkun e Shkodrës, duke kontestuar rezultatet e KZAZ-ve 40, 41, 42, 43 dhe 44 dhe më pas rivlerësimin dhe rinumërimin e votave.
Raporti
Duket se pretendimet e socialistëve i ka mbështetur dhe raporti paraprak i ODIHR-it. Në raportin paraprak, vëzhguesit ndërkombëtarë kanë vlerësuar se megjithëse secili grup i numërimit të votave duhej të numëronte pesë deri në dhjetë kuti votimi para se të ndërrohej, në realitet GNV-të shpesh nuk zëvendësoheshin, çka shkaktonte edhe më shumë vështirësi për anëtarët e GNV-ve. Vëzhguesit e vlerësuan marrjen në dorëzim të materialeve zgjedhore si shumë të mirë ose të mirë në 90% të VNV-ve. Megjithatë, ata vunë re se procesi ishte i ngadaltë në disa VNV, sidomos në qytetet e mëdha. Vëzhguesit ndoqën numërimin e votave në të 66-të VNV-të, duke filluar nga mbrëmja e 28 qershorit dhe në pothuajse të gjitha VNV-të deri në përfundimin e tij. Sipas raporteve të tyre, respektimi i procedurave të numërimit ishte i dobët në nëntë VNV. Veprimtari e keqe ose shumë e keqe e KZAZ-ve u raportua nga 11 VNV. Vëzhguesit e raportuan se në 62 VNV, ose në 94% të rasteve, një ose më shumë GNV patën vështirësi në plotësimin e tabelave të rezultateve të qendrës së votimit. Numërimi i votave pati një fillim të ngadaltë, pjesërisht për shkak të faktit se shumë nga anëtarët e grupeve të numërimit u caktuan vonë dhe nuk ishin trajnuar siç duhet. ODIHR-i ka konstatuar se kur rezultatet e pjesshme paraprake tregonin se diferencat ishin të vogla, partitë politike filluan të ndërhynin më shumë në procesin e numërimit. Procesi i numërimit të kutive ka qenë shumë problematik, fakt ky që u pasqyrua edhe në raportin paraprak të ODIHR-it.
BOX
Kutitë e kontestuara, PS-ja shpresë për të balancuar mandatet
Rinumërimi i të gjitha kutive ku socialistët pretendojnë shkelje të procesit mund të kthejë në mënyrë të rrufeshme balancat e peshores elektorale. Sot, pas rezultateve finale për kutitë e rinumëruara të Fierit, flitet për një raport mandatesh ku 70 vota i ka koalicioni i kryesuar nga PD-ja, 66 ai i kryesuar nga PS-ja dhe 4 mandate i ka koalicioni i kryesuar nga LSI-ja. Nëse për një moment do të supozonim se KQZ-ja (apo Kolegji Zgjedhor në finale) do të jepnin dritën jeshile për rinumërimet e pretenduara socialiste (në Berat, Tiranë e Shkodër) dhe nëse nga këto tri qarqe PS-ja do të siguronte dhe një mandat (si pasojë e rinumërimit në Berat), atëherë do të kishim një diferencë 67-69 mes koalicioneve të PD-së dhe PS-së, duke vazhduar ta mbajnë LSI-në në pozitat e “kingmaker”-it, por duke i rrëzuar asaj alibinë për “shpalljen e marrëveshjes në parim me koalicionin fitues të PD-së”. Socialistët prandaj po luftojnë “me mish e me shpirt” për të zbardhur të vërtetën e kontestimeve në këto qarqe dhe në zona të caktuara, pasi në rast se dyshimet e tyre vërtetohen, kjo do të thotë automatikisht se PS-ja nuk është humbëse e këtyre zgjedhjeve, duke djegur kështu të gjitha argumentet matematikore të PD-LSI-së. Është pikërisht kjo fije e hollë “ekuilibri” që i bën dhe demokratët në pushtet shumë të “ndjeshëm” nga fati administrativ i këtyre kutive ku socialistët kanë pretendime, pasi mund të jenë pikërisht këto kuti ato që mund “të hedhin në erë” festimet e deritanishme të demokratëve.
PD: Akuzat e Ramës, alibia e një humbësi në panik
Menjëherë pas deklaratës publike të kreut të PS-së Edi Rama, Partia Demokratike nëpërmjet zëdhënëses Erla Mëhilli i ka cilësuar qëndrimet e Ramës si alibi për të fshehur përgjegjësitë e tij direkte në humbjen e zgjedhjeve nga ana e PS_së. “Sot Edi Rama, për të maskuar humbjen e tij sërish bëri fjalë për krim elektoral por kësaj rradhe hoqi cdo maskë dhe shpalli kriminelë elektoral komisionerët socialistë, të cilët në përputhje të plotë me ligjin dhe me ndjenjën e përgjegjësisë qytetare së bashku me komisionerët e forcave të tjera politike i gargantuan vendit procesin zgjedhor me integritetin më të lartë në gjithë historinë e tij”, - deklaroi zëdhënësja e PD-së.
Sipas demokratëve Rama po përdor dhe kryqëzon edhe komisionerët e partisë së vetë, vetëm e vetëm që të heqë përgjegjësitë e tij nga humbja. “Partia Demokratike duke shprehur respektin e thelle për komisionerët e të gjitha forcave politike për punën dhe përkushtimin e tyre, denoncon edhe një herë qëndrimin e Edi Ramës, të motivuar totalisht nga përgjegjësia që ka për humbjen e zgjedhjeve dhe rënia në pakicë në Tiranë dhe një sërë qytetesh të vendit në nivel lokal”, - tha Mëhilli. Demokratët i kanë bërë thirrje dje Ramës të përballet me elektoratin e vetë për të marrë përgjegjësitë e rezultatit. “Z.Rama, Partia Demokratike të ftoi të përballeshe me shqiptarët dhe ti u fshehe pas karriges së bashkisë. Ti humbe Z.Rama. Tani mos u fshih mbas alibive të kota të një humbësi në panik por përballu me socialistët”, deklaroi dje Mëhilli
18 Korrik 2009