Rama: Vota per kreun e ILDKP, nuk ishte kunder PD

Levizja Socialiste per Integrim, ka sqaruar dje votimin kunder kandidatures per kreun e Inspektoratit te Larte te Deklarimit te Pasurive, Zana Xhuka. Ne nje deklarate per mediat, Sekretari i Pergjithshem i LSI-se, Luan Rama u shpreh se vota kunder e deputeteve te kesaj force politike, nuk ka qene kunder Partise Demokratike. Rama tha se deputetet e Levizjes Socialiste per Integrim, kane mbeshtetur kandidaturen tjeter qe ishte prezantuar per kete post, Shkelqim Ganaj. “Qendrimi i LSI ka qene nje qendrim i shprehur ne menyre korrekte me transparence ne Kuvend me integritet dhe ne kuader te zgjidhjes apo zgjedhjeve, qe behen ne poste te tilla. Te shpjegohemi qe, nuk ka qene vote kunder PD, as kunder kandidatures Zana Xhuka, por ishim per kandidaturen tjeter, Shkelqim Ganaj”, tha Rama. Gjate seances se dy diteve me pare ne Kuvend, deputetet e Levizjes Socialiste per Integrim, votuan kunder kandidatures se sjelle ne kuvend per postin e ILDKP-se Zana Xhuka, nderkohe qe deputetet e Partise Demokratike, votuan pro zgjedhjes se saj ne kete post. Vota kunder e LSI-se, u interpretua si nje mosmarreveshje mes dy aleateve te koalicionit qeverises. Nderkohe qe dje, numri dy i LSI-se, sqaroi per mediat se votimi nuk lidhej me koalicionin dhe qendrimin e PD-se dhe as me emrin e propozuar per kete post, por vetem me mbeshtetjen e kandidatit tjeter. Sekretari i Pergjithshem i LSI-se u shpreh se deputetet e kesaj force, vleresonin si me te pershtatshem per kete post, kandidatin Shkelqim Ganaj. Sipas Rames, Ganaj kishte nje pervoje te gjate ne Inspektoratin e Larte te Deklarimit dhe te Kontrollit te Pasurive.